ҺАВА ТОРЫШЫ -3 oC

Яңалыклар

барлык хәбәрләр Татарстан Россия

Татар дөньясы

Аделаида Сабан туеның иң популяр кешесе булып Казан кунагы Айдар Сөләйманов танылган

17 апрель 2018, 10:01

Аделаида Сабан туеның иң популяр кешесе булып Казан кунагы Айдар Сөләйманов танылган 15 апрельдә Көньяк Австралия башкаласы Аделаида шәһәрендә сабан туе үтте.

(Казан, 17 апрель, “Татар-информ”). Казан кунагы Айдар Сөләйманов Аделаида сабантуеның иң популяр кешесе булып танылган. Бу хакта Бөтендөнья татар конгрессы сайты хәбәр итә.

15 апрельдә Көньяк Австралия башкаласы Аделаида шәһәрендә сабан туе үтте. Дөньяның бу кыйтгасында хәзер җәй үтеп барганлыктан, бу бәйрәм апрель уртасында көз җиткәчрәк үткәрелде. Австралиядә яшәүче милләтешебез Сафия Вәлиефф хәбәр иткәнчә, бәйрәмне Аделаида хакимияте рөхсәте белән шәһәр паркында биредәге татар-башкорт җәмгыяте оештырган.14 апрельдә аерым бинада үткән концертта Казан кунагы, татар яшьләре чыгыш ясаган, - хәбәр итә матбугат хезмәте.

Якшәмбе көнне шәһәр паркында үткән сабан туенда хакимият вәкилләре, татар-башкортлардан башка уйгур, үзбәк, рус җәмгыятьләре вәкилләре катнашкан. Җыелган халык алдында Татарстан мәдәният министры юлламасы белән махсус җибәрелгән артист Айдар Сөләйманов, Аделаида татар яшьләре, якшәмбе мәктәбе балалары, яшьләрнең «Ак калфак» төркеме чыгыш ясаган. Монда оештырылган спорт ярышларында, уеннарда җиңүчеләргә яхшы бүләкләр бирелгән. 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10