ҺАВА ТОРЫШЫ +24 oC

Яңалыклар

барлык хәбәрләр Татарстан Россия
МӨҺим
Ык елгасында баткан ир-ат мәетен Минзәлә коткаручылары өч көн эзләгән
Изге Болгар җыенына бару өчен һәрбер мөхтәсибәткә автобус биреләчәк
Мөселман балалар Сабан туенда баш батырны, көрәштермичә, жирәбәдә ачыкладылар
Мәскәүдән Эльза Габдрахманова Казанда узачак "Татар кызы" конкурсында катнашырга әзерләнә
Алмаз Хәмзин: Кадим Нуруллинны циркка җибәрәләр дигәч, шаккатык - "Шәһри Казан" газетасы

Дин

Кырымда “Ирфан” беренче ислам интернет-радиосы ачылды

17 апрель 2018, 16:44

Симферопольдә Кырым мөселманнары Диния Нәзарәтенең “Ирфан” беренче ислам интернет-радиосы презентациясе булып узды.

(Казан, 17 апрель, “Татар-информ”). Симферопольдә Кырым мөселманнары Диния Нәзарәтенең “Ирфан” беренче ислам интернет-радиосы презентациясе булып узды. Бу хакта Бөтендөнья татар конгрессы матбугат хезмәте хәбәр итә.

Кырым өчен ислам радиосы - яңалык. Оештыручылар фикеренчә, ул үз тыңлаучысын һәм интернет-тапшыру челтәрендә үз урынын табачак.

“ИРФАН” радиосы Ислам дине һәм мөселманнарның яшәү рәвеше турында сөйли. Радио программасында 50ләп тапшыру бар, алар рус һәм Кырым татарлары телендә трансляцияләнә. Перспективада җомга намазларын һәм вәгазь укуларны һәм башка дини чараларны турыдан-туры тоташтыру планлаштырыла.

Шулай ук мөселман дөньясы яңалыклары, актуаль мәгълүматлар, дини тормыш һәм пәйгамбәрләр турында тапшырулар эшләнәчәк. Биредә кырым татарлары турында тапшырулар, гарәп һәм инглиз телләре буенча дәресләр алып бару да каралган. “Ирфан” интернет-радиосы фән-техника өлкәсендәге кызыклы фактлар, шулай ук кызыклы сәяхәтләр турында да җиткереп барачак. Тагын радио аша психологлар киңәшләре, балаларга әкиятләр, дини хикәятләр дә җиткереләчәк.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10