ҺАВА ТОРЫШЫ +16 oC

Яңалыклар

барлык хәбәрләр Татарстан Россия
МӨҺим
“Буа театры: диалог киңлегендә” фестивален Сергей Безруков спектакле тәмамлады
Әтнә кызы WorldSkills Russia чемпионатында җиңү яулаган
Дөнья чемпионаты вакытында Казанга автобуслар керү чикләнә
Галимә мәгариф системасының башында торды - Флера Сафиуллинаның дәвамчылары
24 майның төп вакыйгалары - фото һәм сылтамалар

Җәмгыять, Фән һәм мәгариф

Казанда башлангыч сыйныф укучылары көнкүреш калдыклары мәсьәләсен күтәреп чыккан

19 апрель 2018, 08:36 , Фото: http://eco.tatarstan.ru

Казанда башлангыч сыйныф укучылары көнкүреш калдыклары мәсьәләсен күтәреп чыккан  96 нчы гимназиядә "Петров укулары"нда 8 иҗади проект тәкъдим ителгән.

(Казан, 19 апрель, "Татар-информ"). Көнкүреш калдыкларын ничек икенчел чимал буларак кулланырга, чүпне сортларга аеру кыенмы – Казанның 96 нчы гимназиясендә болар һәм башка нәрсәләр хакында сөйләштеләр. Биредә Казан мәктәпләренең башлангыч сыйныфларында укучылар арасында "Петров укулары" дигән фәнни-гамәли конференция узды. Бу хакта Татарстан Экология министрлыгы матбугат хезмәте хәбәр итә.

Балалар "Экология" темасы буенча 8 проект тәкъдим итте. Аларның күбесе калдыклар проблемасына багышланган иде. 96 гимназиянең 4нче сыйныф  укучылары Егор Бохон һәм Алиса Хохорина  калдыкларны сортларга аеру буенча яшьтәшләре арасында анкета уздырган. "Сораштыру күрсәткәнчә, чүпне араларга кирәклеге турында бөтенесе дә белә диярлек, ләкин сораштыруда катнашучыларның нибары яртысы гына аны сортларга аера", – ди укучылар.

2нче сыйныфта укучы Аделина Абдрахманова эше аеруча зур кызыксыну уятты. Ул тикшеренү эшенә иҗади якын килгән – пластик кашыклардан күлмәк ясаган. "Күлмәк тегү өчен миңа 500 пластик кашык кирәк булды. Кул эшләнмәләре өчен икенчел чималны кулланып, без табигатебезнең чисталыгын саклый алабыз", – ди конференциядә катнашучы кыз.

28 нче гимназиянең 4 сыйныфында укучы Диана Әхмәтова мастер-класста үзенең яшьтәшләрен тукымадан ЭКОбукчалар ясарга өйрәтте.

"Конференция мәктәп укучылары өчен үзләренең тикшеренү эшләрен күрсәтү мөмкинлеген бирде, шул ук вакытта әйләнә-тирә мохитне өйрәнү һәм саклау буенча тәҗрибә уртаклашу өчен җирлек тә булды", – диде жюри вәкиле, ТР Экоминистрлыгының ҮТИ белгече Василий Демьянов.

Чара тәмамлангач иң яхшы эшләрнең авторлары дипломнар һәм истәлекле бүләкләр белән бүләкләнде, дип хәбәр итә ведомство матбугат хезмәте.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10