ҺАВА ТОРЫШЫ +17 oC

Яңалыклар

барлык хәбәрләр Татарстан Россия

Икътисад

Татарстанда һәр эшсез кешегә өч эш урыны туры килә

19 апрель 2018, 16:45 , Фото: Султан Исхаков

Татарстанда һәр эшсез кешегә өч эш урыны туры килә Узган елда 45,6 мең кеше Татарстанның мәшгульлек хезмәтләре ярдәмендә эш тапкан.

(Казан, 19 апрель, «Татар-информ»). Татарстанда 12 мең эшсез һәм 39 мең эш урыны исәпләнә, дип белдерде ТР хезмәт, мәшгульлек һәм социаль яклау министры Эльмира Зарипова «Татар-информ» агентлыгына биргән интервьюсында.

«Хәзерге вакытта республикада хезмәт базарында вазгыять тотрыклы. Теркәлгән эшсезлек дәрәҗәсе, эшче көчләр саныннан чыгып исәпләгәндә, 0,7 проценттан артмый», - дип искәртте министр.

Баулы (1,17 процент), Чирмешән (0,9 процент), Саба (0,89 процент) һәм Теләче (0,88 процент) районнарында әлеге күрсәткеч республикадагы уртача дәрәҗәдән югарырак булса, Лаеш (0,19 процент), Актаныш (0,26 процент) һәм Югары Ослан (0,37 процент) районнарында ул түбәнрәк.

2017 елда республика мәшгульлек хезмәте органнарына 68,6 мең кеше эш сорап мөрәҗәгать иткән, аларның 45,6 меңе эш тапкан.

2018 елның беренче кварталы нәтиҗәләре буенча Татарстанда эшкә урнаштырылган гражданнарның өлеше 49 процент тәшкил итә. 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10