ҺАВА ТОРЫШЫ +9 oC

Яңалыклар

барлык хәбәрләр Татарстан Россия
МӨҺим
Татар яшьләре спектакль эскизы аша “Мергасов йорты” серләрен ача
27 майның төп вакыйгалары - фото һәм сылтамалар
Рөстәм Миңнеханов Казанның тарихи үзәгендәге объектларны төзекләндерү эшләре белән танышты
Татарстан гаиләләре Марий Элдагы гаилә ансамбльләре фестивалендә катнашкан
Бүген Үзбәкстанда Сабан туйлары уза

Татар дөньясы

Фатих Сибагатуллин ни өчен Нурлатта татар мәктәбе ачмаганын аңлатты

19 апрель 2018, 15:00

Фатих Сибагатуллин ни өчен Нурлатта татар мәктәбе ачмаганын аңлатты "Чиста татар мәктәбен мин бүген мәҗбүри кирәк, дип уйламыйм", - диде Фатих Сибагатуллин.

(Казан, 19 апрель, “Татар-информ”, Динә Йосыпова). Дәүләт Думасы депутаты, күпсанлы китаплар авторы Фатих Сибагатуллин ни өчен Нурлатта татар мәктәбе ачмаганын аңлатты. Бу турыда ул “Татар-информ” мәгълүмат агентлыгында биргән интервьюсында әйтте.

“Саф татар мәктәбе-интернат мәктәп формасында ясарга мөмкин, әйтик, Арчада - берәү, Чистайда - берәү. Чиста татар мәктәбен мин бүген мәҗбүри кирәк, дип уйламыйм”, - диде Дәүләт Думасы депутаты “Татар-информ”га биргән интервьюсында.

Фатих Сибагатуллин Нурлатта эшләгәндә татар мәктәбен ачып карауларын, әмма соңыннан килеп чыккан кызык очрак нәтиҗәсендә мәктәпне ачмауларын әйтте. “Нурлатта халык җыелып килде. Мин фамилияләрен дә әйтә алам, анда танылган фамилияләр дә бар. "Сез нишлисез, сез бит наданнар мәктәбе ачасыз!” - диделәр алар. Татар мәктәбенә бит “өч”легә укыган, “әйдә, ярар”га укыган укучылар керәчәк. Ә яхшы укып, югарырак китүчеләр, һичшиксез, русча укыячак, диделәр. Һәм шулай булып чыкты да – без аны маташтырып карадык. Татар мәктәбе ачып карадык. Әмма аннары икенче кызык әйбер килеп чыкты. Анда унсигез милләт вәкиле яши. Татар мәктәбендә татарлар гына була бит аннары. Ә нишләп минем малай андагы рус, чуваш, яһүди белән дә аралашып укымаска тиеш? Ул мәсьәләне болай гына карап булмый аны”, - диде ул.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10