ҺАВА ТОРЫШЫ +9 oC

Яңалыклар

барлык хәбәрләр Татарстан Россия
МӨҺим
Татар яшьләре спектакль эскизы аша “Мергасов йорты” серләрен ача
27 майның төп вакыйгалары - фото һәм сылтамалар
Рөстәм Миңнеханов Казанның тарихи үзәгендәге объектларны төзекләндерү эшләре белән танышты
Татарстан гаиләләре Марий Элдагы гаилә ансамбльләре фестивалендә катнашкан
Бүген Үзбәкстанда Сабан туйлары уза

Җәмгыять

Унбер бала тәрбияләп үстерүче гаилә дәүләт ярдәмнәре турында белмәүдән зарланды

20 апрель 2018, 13:25 , Фото: Чулпан Шакирова

Унбер бала тәрбияләп үстерүче гаилә дәүләт ярдәмнәре турында белмәүдән зарланды
"Законнарны без өйрәнеп йөрергә тиеш түгел, социаль тармак вәкилләре хәбәр итәргә тиеш", - ди Яңа Кенәрдән Галиевлар гаиләсе.

(Арча, 20 апрель, "Татар-информ", Чулпан Шакирова). Арчада унбер бала тәрбияләп үстерүче гаилә дәүләт ярдәмнәре турында белмәүдән зарланды. Бу хакта бүген "Татар-информ" хәбәрчесенә Яңа Кенәр авылында яшәүче Галиевлар әйтте.

Минзилә һәм Ирек Галиевлар 11 бала тәрбияләп үстерә. Иң олы балаларына - 26, төпчегенә бер яшь. Күпбалалы әти-әнинең ике оныклары да бар.

"Өч баласы булган гаилә күпбалалы статусына керә. Ә бездә 11 бала. Без дүрт тапкыр күпбалалы гаилә", - ди гаилә башлыгы.

Галиевлар дәүләт ярдәмнәре турында белмәүдән зарланды.

"Ил өчен закон кабул ителә, ә үтәлеше төрле җирдә төрлечә. Әйтик, Ульян өлкәсендә 7 балалы гаиләләргә машина бирелә. Фатир, төрле субсидияләр бирелгән төбәкләр дә бар. Ә бездә мондый ярдәмнәр өчен акча юк. Аннан соң без күпвакытта хокукларыбызны белмибез дә. Әйтик, социаль тармак вәкилләре теге яки бу закон, үзгәреш турында ишетеп, аны күпбалалы гаиләләргә хәбәр итәргә тиеш", - ди Ирек Галиев.

Искәртеп үтик, бүген Арчада "Мәрхәмәт" хатын-кыз депутатлар оешмасының күчмә утырышы уза. "Татар-информ" моңа кадәр Татарстан авылларындагы күпбалалы гаиләләргә ярдәм йөзеннән онлайн-киңәшмәләр уздырылачак һәм Арчада күпбалалы гаиләләргә җир бирү эше апрель-май айларында төгәлләнәчәк дип язган иде. 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10