ҺАВА ТОРЫШЫ +9 oC

Яңалыклар

барлык хәбәрләр Татарстан Россия
МӨҺим
Татар яшьләре спектакль эскизы аша “Мергасов йорты” серләрен ача
27 майның төп вакыйгалары - фото һәм сылтамалар
Рөстәм Миңнеханов Казанның тарихи үзәгендәге объектларны төзекләндерү эшләре белән танышты
Татарстан гаиләләре Марий Элдагы гаилә ансамбльләре фестивалендә катнашкан
Бүген Үзбәкстанда Сабан туйлары уза

Авыл

Марат Әхмәтов авылны яшәтүдә сыер савучының ролен билгеләп үтте

20 апрель 2018, 21:42 , Фото: gossov.tatarstan.ru

Марат Әхмәтов авылны яшәтүдә сыер савучының ролен билгеләп үтте “Доярка булмаса, мал кими, авыл хуҗалыгы өлкәсе какшый” диде ул.

(Казан, 20 апрель, “Татар-информ”, Чулпан Шакирова). Татарстанның авыл хуҗалыгы министры Марат Әхмәтов бүген Арчада узган күчмә утырышта авыл яшәешен саклауда сыер савучы хезмәтенең ролен билгеләп үтте.
“Авылда доярка – алыштыргысыз һәм бик кирәкле кеше. Мин хуҗалык җитәкчесе булганда, йорт саен да доярка эзләп йөргәнем булды. “Апа, өч-дүрт көн генә савып тор инде, син тыңламасаң, ул сыер төркеме тарала”, - бит дидем. Төркем таралса, мал кими, авыл хуҗалыгы өлкәсе какшый дигән сүз бит”, – диде министр.

Марат Әхмәтов шулай ук авыл җирендә эшләүче хатын-кыз фермерларның да ролен әйтеп узды.

“Хатын-кыз барлык эштә дә пөхтә, тырыш, фидакарь бит ул. Шуңа күрә алардан башка авыл хуҗалыгы берничек тә бара алмый. Ә инде мөстәкыйль хуҗалыкмы, фермер хуҗалыгымы – мондый вак эшмәкәрлектә аларның урыны бигрәк тә зур”, - диде авыл хуҗалыгы министры урынбасары.

Исегезгә төшерик, Марат Әхмәтов сөткә бәя кайчан артачагын да әйткән иде.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10