ҺАВА ТОРЫШЫ +19 oC

Яңалыклар

барлык хәбәрләр Татарстан Россия
МӨҺим
Казандагы ФИФА җанатарлары фестивале мәйданы Россия-Мисыр матчын караучылар белән тулды
Төрекмәнстанда күпхатынлылыкны тыялар
Аккош күлендә Сабан туе милли көйләр һәм футболны берләштерәчәк
Татар чыгышлы язучы Сана Вәлиуллина "Ясная поляна" әдәби конкурсы номинанты булды
Гыйльметдинов: Дәүләт телләрен вариатив өлешкә калдыру турында бернинди сүз бармый

Җәмгыять

Талпан кадалса, өч көн эчендә табибка күренергә кирәк

28 апрель 2018, 15:36 , Фото: Михаил Захаров

Талпан кадалса, өч көн эчендә табибка күренергә кирәк “Талпан энцефалиты вирусы булса, бөҗәк тешләгәннән соң беренче 72 сәгать эчендә иммуноглобулин кертелә”, - диде Патяшина.

(Казан, 28 апрель, “Татар-информ”, Гөлнар Гарифуллина). Талпан кадалса, 72 сәгать эчендә аны тикшертү зарур. Роспотребнадзор федераль хезмәтенең Татарстан буенча идарәсе җитәкчесе Марина Патяшина шулай дип белдерде.

Аның әйтүенчә, Татарстанда талпан энцефалиты таралырга мөмкин булган 30 район бар. “Бу районнарда булган талпаннарда энцефалит вирусы бар, кешегә ябышканда, шул вирусны йоктыру ихтималы бар дигән сүз”, - диде.

“Әгәр сез урманга шашлыкка, йә гөмбәгә барасыз икән, талпан кадалса, медицина учреждениесенә мөрәҗәгать итү зарур. Кеше талпанны үзе алган очракта да, банкага салып, медицина оешмасына килергә тиеш. Ничек кенә көлке тоелмасын, банкада тишек булырга тиеш. Бу талпан үлмәсен, суласын өчен кирәк. Бу талпанны медицина хезмәткәре лабораториягә җибәрә. 1-2 тәүлек эчендә тикшереп, талпан энцефалиты бармы-юкмы – шуны ачыклыйлар. Әгәр бу вирус булса, димәк, бу кешегә талпанга каршы иммуноглобулин ясала. Ә ул талпан тешләгәннән соң беренче 72 сәгать эчендә генә кертелә. Бүген кешеләргә шуны белү мөһим: әгәр аларга талпан кадала икән, аларга кичекмәстән медицина учреждениесенә бару кирәк. Шушы 72 сәгать эчендә тикшертеп өлгерү зарур. Юкса, талпанны өч көн рюкзагында йөртеп, аннары гына алып килүеннән файда юк. Талпанны тикшерү һәм иммуноглобулин кертүнең мәгънәсе калмый”, - дип кисәтте Марина Патяшина.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10