ҺАВА ТОРЫШЫ +13 oC

Яңалыклар

барлык хәбәрләр Татарстан Россия

Икътисад

Дәүләт матбугат чараларына өстәмә миллионнар бирәчәкләр

13 май 2018, 10:04

Россия хөкүмәте дәүләт телекомпанияләре һәм агентлыкларын финанслауга 800 миллион сум өстәмә субсидияләр бүлеп бирергә ниятли.

(Казан, 13 май, “Татар-информ”). Россия хөкүмәте дәүләт телекомпанияләре һәм агентлыкларын финанслауга 800 миллион сум өстәмә субсидияләр бүлеп бирергә ниятли. Бу хакта 2018-2020 елларга бюджет турындагы законга төзәтмәләр проектында әйтелә, дип хәбәр итә "Лента.ру".

Документ нигезендә, өстәмә субсидияләр ВГТРК һәм “ТВ-Новости” (RT), шулай ук ТАСС агентлыгы арасында бүленәчәк. Беренчеләре 295 һәм 300 миллион алачак. Шул ук вакытта дәүләт алдан инде ВГТРКга 21,95 миллиард сум, “ТВ-Новости” коммерцияле булмаган акционерлык оешмасына 17,5 миллиард сум бүлеп бирергә планлаштырган булуы билгеле.

Калган өстәмә 205 миллион сум ТАССка булачак. Шулай итеп әлеге вакытка агентлыкны финаслау 1,735 миллиард сумны тәшкил итәчәк, диелгән әлеге хәбәрдә.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10