ҺАВА ТОРЫШЫ +20 oC

Яңалыклар

барлык хәбәрләр Татарстан Россия

Җәмгыять

18 майдан Т.Миңнуллин урамында һәм Себер тыкрыгында хәрәкәт өлешчә ябыла

17 май 2018, 21:48

Юлның бу өлешендә канализация салу һәм суүткәргеч төзү эшләре башкарылачак.

(Казан, 17 май, “Татар-информ”). Казанда 18 майдан 27 майга кадәр Т.Миңнуллин урамында һәм Себер тыкрыгында хәрәкәт өлешчә ябыла. Бу хакта Казан мэриясе хәбәр итә.

18 майдан 21 майга кадәр Т.Миңнуллин урамының 19нчы йорты янында транспорт хәрәкәте чикләнә. Юлның бу өлешендә канализация салу эшләре башкарылачак.

18 майдан 27 майга кадәр Себер тыкрыгының 2нче йорты янында хәрәкәт чикләнә. Бу суүткәргеч төзү һәм горизонталь бораулау өчен кирәкле техника китерү эшләре белән бәйле.

Тышкы төзекләндерү комитеты автомобильчыларга игътибарлы булырга һәм вакытлыча урнаштырылган юл билгеләре күрсәтмәләрен үтәргә киңәш итә. 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10