ҺАВА ТОРЫШЫ +12 oC

Яңалыклар

барлык хәбәрләр Татарстан Россия

Спорт

Дөнья чемпионатында футбол кырына Чаллыдан 8 яшьлек малай чыгачак

18 май 2018, 16:35

Илназ Смирнов “Казан-Арена”га чирек турнир матчына уенчыларның берсен алып чыгачак.

(Казан, 18 май, “Татар-информ”). Татарстан Республикасында яшәүче 8 яшьлек Илназ Смирнов футбол буенча 2018 елгы Дөнья чемпионатында тулы хокуклы катнашучы булачак. 6 июльдә “Казан-Арена” стадионында ул чирек турнир матчына уенчыларның берсен алып чыгачак. Бу хакта футбол буенча Дөнья чемпионатында “Макдоналдс” белән бергә” балалар өчен программа матбугат хезмәте хәбәр итә.

Ярышларның 2002 елдан бирле рәсми иганәчесеннән махсус программа балаларга зур футбол турнирларында матчларда уен кырына чыгу мөмкинлеге бирә. Чаллыда яшәүче Илназ Смирнов бу мөмкинлеккә тапкырлыгы нәтиҗәсендә ирешкән. Ул 2017 елның августында фатирда янгын башлангач югалып калмаган, ә төтен кермәсен өчен балкон һәм бүлмә ишекләрен япкан һәм форточка аша узып баручыларны ярдәмгә чакырган.

Чаллы малае Россиянең төрле почмакларыннан килгән 11 герой балалар белән бергә 2018 елгы Дөнья чемпионатында катнашачак.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10