ҺАВА ТОРЫШЫ +21 oC

Яңалыклар

барлык хәбәрләр Татарстан Россия
МӨҺим
Дәүләт депутатлары аерым төр салым ташламаларын саклау өчен тавыш бирде
"Татар-информ" "Салават" җыр театрының хәйрия концертын онлайн күрсәтә
Саратов өлкәсендә Татарстан кешеләре утырган автомобиль һәлакәткә юлыккан
Иран футбол җанатарлары Казанда машина түбәсендәге палаткаларда яши
Питрәчнең Кощак авыл җирлеге чикләре үзгәртелү турында закон проекты кабул ителде

Дин

Мәскәү татарлары Штабындагы беренче ифтар “Бердәм халык – бердәм илдә” дип атала

20 май 2018, 15:15 , Фото: tatar-shtab.ru

Мәскәү татарлары Штабындагы беренче ифтар “Бердәм халык – бердәм илдә” дип атала Быел Мәскәү татарлары Штабы Рамазан аенда берничә ифтар мәҗлесе уздырырга ниятли.

(Казан, 20 май, “Татар-информ”). Мәскәү татарлары Штабы, Рамазан ае белән котлап, изге айда изге эшләр кылырга чакыра. Штаб үзе дә Рамазан аенда берничә ифтар мәҗлесе уздырырга ниятли.  Бу хакта Штабның матбугат хезмәте хәбәр итә.

Мәскәү татарлары Штабын оештыручы һәм сайт администраторы Гөлнара Яруллина белдергәнчә, Мәскәү татарлары Штабы берничә ел рәттән инде шундый дини чаралар оештыра. Мәскәү татарлары Штабы оештырган быелгы беренче ифтар “Бердәм халык – бердәм илдә” дип атала.

29 майда Пролетарская урамындагы Мәскәү мөфтиятендә ифтар “Бердәм халык – бердәм илдә” темасы белән узачак. Биредә Мәскәүнең төрки җәмгыятьләре вәкилләре катнаша.

30 майда Мәскәү татарлары Штабында ( Большие Каменщики, 2) Мәскәү автономиясе һәм татар җәмгыятьләре активистлары булачак.

5 июньдә Пролетарская урамындагы Мәскәү мөфтиятендә - Мәскәүдә укучы студентлар оешмасы яшьләре - уку йортларында белем алучы татар һәм башкорт яшьләре җыелачак.

8 июньдә Мәскәү татарлары Штабында ( Большие Каменщики, 2) Мөселман бизнесы темасына “Масштаб” эшлекле клуб вәкилләре белән очрашырга мөмкин булачак.

  • Һәр елны ифтарда йөзләрчә татар кешесе, шулай ук башка милләт вәкилләре дә катнаша. Биредә вәгазьләр тыңлана, дога укыла, ифтар мәҗлесе үткәрелә.   

Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10