ҺАВА ТОРЫШЫ +22 oC

Яңалыклар

барлык хәбәрләр Татарстан Россия
МӨҺим
Рөстәм Миңнеханов "Татнефть” җәмгыятенең акционерлар җыелышында катнаша
Игезәк малайларга ярдәм буларак, Татар дәүләт филармониясе бакчасында хәйрия концерты узды
"Алай түгел, болай ул" комедиясендә 6 артист 26 образ башкара
Буа районында «Остазбикә» фильмы төшереләчәк
Бүген Хәтер һәм кайгы көне билгеләп үтелә

Җәмгыять

Татарстан халкын июньдә алты көнлек эш атнасы көтә

22 май 2018, 09:41 , Фото: Ильнар Тухбатов

Татарстан халкын июньдә алты көнлек эш атнасы көтә РФ Хезмәт Кодексының 112нче маддәсе нигезендә 12 июнь — Россия көне — ял көне булып санала.

(Казан, 22 май, «Татар-информ»). Татарстан халкын июньдә алты көнлек эш атнасы көтә. Татарстан Республикасы хезмәт, эш белән тәэмин итү hәм социаль яклау министрлыгы матбугат хезмәте июньдә булачак ял көннәре турында хәбәр итте.

Биш көнлек хезмәт атнасы булган хезмәткәрләр өчен, 10, 11, 12, 15, 16 һәм 17 июнь ял көннәре дип билгеләнә. 9 һәм 14 июнь көннәрендәге эш вакыты бер сәгатькә кыскартыла.

РФ Хезмәт Кодексының 112нче маддәсе нигезендә 12 июнь — Россия көне — бәйрәм көне булып санала.

2018 елда Татарстан Президентының «2018 елда Ураза һәм Корбан гаете көннәрен билгеләү турындагы» карары нигезендә, Ураза бәйрәменең беренче көне 15 июньгә тәгаенләнә.

Хезмәткәрләр тарафыннан ял көннәрен һәм буш көннәрне нәтиҗәле файдалану максатында, Россия Федерациясе Хөкүмәтенең 2017 елның 14 октябрендәге «2018 елда ял көннәрен күчерү турындагы» № 1250нче карары нигезендә, быелның 9 июнь шимбәдәге ял көне 11 июнь дүшәмбе көненә күчерелә.

Россия Хезмәт кодексы, «Татарстанның бәйрәм көннәре һәм истәлекле даталары турында» закон һәм 2018 елның производство календаре нигезендә, Ураза һәм Корбан гаетләре Татарстанда бәйрәм көннәре булып исәпләнә.

РФ Хезмәт Кодексының 95нче маддәсе нигезендә бәйрәм көне алдыннан килгән эш көне яки сменаның дәвамлылыгы бер сәгатькә киметелә.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10