ҺАВА ТОРЫШЫ +22 oC

Яңалыклар

барлык хәбәрләр Татарстан Россия
МӨҺим
Игезәк малайларга ярдәм буларак, Татар дәүләт филармониясе бакчасында хәйрия концерты узды
"Алай түгел, болай ул" комедиясендә 6 артист 26 образ башкара
Буа районында «Остазбикә» фильмы төшереләчәк
Бүген Хәтер һәм кайгы көне билгеләп үтелә
“Кәгазьгә яңа тормыш бүләк итик” хәйрия акциясе ярдәмендә 9,6 тонна макулатура җыелды

Җәмгыять

Америка хирурглары Россиянең дистәләгән табибы күз алдында пациентка операция ясады

22 май 2018, 15:00

Күрсәтмә операция илнең барлык төбәкләреннән җыелган белгечләр өчен белем бирү мәктәбе вакытында Төбәкара клиника-диагностика үзәгендә узды.

(Казан, 22 май, «Татар-информ», Валерия Белова). Бүген АКШ профессорлары, Казандагы коллегалары белән берлектә, Россиянең дистәләгән табибы күз алдында пациентка операция ясады.

«Без әлеге операцияне Россиянең барлык төбәкләреннән килгән табиблар утырган белем бирү үзәгенә трансляцияләдек. Алар теория һәм күнекмәләрнең чынбарлыкта гамәлгә ашуын үз күзләре белән күрде», - дип искәртте Төбәкара клиника-диагностика үзәгенең нейрохирургия бүлеге табиб-нейрохирургы Бәхтияр Пашаев.

Күрсәтмә операция илнең барлык төбәкләреннән җыелган белгечләр өчен белем бирү мәктәбе вакытында Төбәкара клиника-диагностика үзәгендә узды. Табиблар гипофиз аденомасы диагнозы куелган 49 яшьлек ир-атка операция ясады.

«Әлеге шеш бик зур иде. Пациентның күзе сукыраюга нәкъ менә шул сәбәпче булган», - дип аңлатты АКШның Питтсбург Университеты Медицина үзәге табиб-нейрохирургы, профессор Пол Гарнер.

«Татарстанда мондый операцияләр ясау өчен кирәкле бөтен әйберләр дә бар. Биредә чын профессионаллар җыелган, алар эшнең җаен белә», - дип өстәде Питтсбург Университеты Медицина үзәгенең оториноларингология профессоры Карл Снайдерман. 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10