ҺАВА ТОРЫШЫ +8 oC

Яңалыклар

барлык хәбәрләр Татарстан Россия

Рәсми Татарстан

Р.Миңнеханов Россия Суперкубогында җиңгән спортчыларга: Бу – озак көтелгән җиңү

23 май 2018, 11:22

Р.Миңнеханов Россия Суперкубогында җиңгән спортчыларга: Бу – озак көтелгән җиңү  "Синтез" спортчыларын хөрмәтләү Казан Кремлендә узды.

(Казан, 23 май, "Татар-информ"). Рөстәм Миңнеханов «Синтез» ватерполистларын «Адмирал Феодор Ушаков Кубогы»на Россия Суперкубогында җиңүләре белән котлады. Бу хакта Президентның матбугат үзәге хәбәр итә.

Бүген Татарстан Республикасы Президенты Рөстәм Миңнеханов «Синтез» ватерполистларын 2017/2018 сезонының су полосы буенча «Адмирал Феодор Ушаков Кубогы»на Россия Суперкубогында җиңүләре белән котлады.

Спортчыларны хөрмәтләү Казан Кремлендә узды.

Чествование Президентом Республики Татарстан 
Р.Н. Миннихановым
мужской ватерпольной команды "Синтез" (Казань) – 
обладателя Суперкубка России по водному поло среди мужских команд "Кубок адмирала Ф. Ушакова" 
сезона 2017/2018

«Синтез» ватерполистларын «Адмирал Феодор Ушаков Кубогы»на Россия Суперкубогында җиңүләре белән чын күңелдән котлыйм, – диде Рөстәм Миңнеханов. – Бу – озак көтелгән җиңү. Сез җитди көндәшегез белән уенда җиңү яуладыгыз. Әлбәттә, бу нәтиҗә – барлык команданың, уенчыларның, тренерлар составының һәм «Синтез» клубы җитәкчелегенең һәм администрациясенең, су полосы федерациянең максатка омтылучан эш йомгагы. Команда спонсорлары – «ТАИФ» компанияләр төркеменең һәм «Казаньоргсинтез»ның җиңүгә керткән зур өлешен аерым билгеләп үтәсем килә. Алар сезнең белән бергә җиңүгә омтылалар.

Рөстәм Миңнеханов шулай ук команда җанатарларына, уенчыларның гаиләләренә һәм дусларына рәхмәт белдерде – барысы да «Синтез»га көч биреп торды. Бөтен республика сезнең җиңүгә ышанды, диде Рөстәм Миңнеханов.

«Безнең яшь ватерполистлардан  үрнәк алырлык мисаллары бар, - диде Татарстан Республикасы Президенты. – Бүген республикада су полосы белән шөгыльләнү өчен менә дигән шартлар тудырылган. 108 стандарт йөзү бассейны эшләп килә, алар бар да 50 метрлы һәм иң югары стандартларга туры килә, шул исәптән ярышлар уздыру өчен дә».

Рөстәм Миңнеханов искәрткәнчә, республикада тагын шундый 8 яңа бассейн ачылачак.

Чествование Президентом Республики Татарстан 
Р.Н. Миннихановым
мужской ватерпольной команды "Синтез" (Казань) – 
обладателя Суперкубка России по водному поло среди мужских команд "Кубок адмирала Ф. Ушакова" 
сезона 2017/2018

«Җиңүләргә омтылыгыз! – диде Татарстан Республикасы Президенты, ватерполистларга мөрәҗәгать итеп. – Ышанам, сез киләчәктә дә яңа уңышларыгыз һәм казанышларыгыз белән безне сөендерерсез. Сезнең барыгызга да сәламәтлек, уңышлар».

Рөстәм Миңнеханов спортчыларга һәм тренерларга Татарстан Республикасы дәүләт бүләкләре – мактаулы исемнәр һәм Татарстан Республикасы Президенты Рәхмәтләрен тапшырды.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10