ҺАВА ТОРЫШЫ +14 oC

Яңалыклар

барлык хәбәрләр Татарстан Россия

Җәмгыять

Татарстанда эшсезлек дәрәҗәсе 0,56 процент тәшкил итә

23 май 2018, 14:56

Хезмәт базарындагы киеренкелек коэффициенты бер вакансиягә 0,3 кеше исәпләнә.

(Казан, 23 май, "Татар-информ"). Статистика мәгълүматлары буенча, 2018 елның 22 маена республиканың халыкны эш белән тәэмин итү үзәкләрендә 11 500 эшсез кеше теркәлгән. Бу узган атнага караганда 309 кешегә азрак. Шулай итеп, Татарстанда эшсезлек дәрәҗәсе 0,56 процент тәшкил итә. Бу турыда Татарстан Хезмәт, халыкны эш белән тәэмин итү һәм социаль яклау министрлыгы матбугат хезмәте хәбәр итте.

Республиканың эш белән тәэмин итү үзәкләренә эш бирүчеләр тарафыннан тәкъдим ителгән вакансияләр саны 40 113 булган. Соңгы атнада гына да оешмалар 3 282 эш урыны ачык дип белдергән. Хезмәт базарындагы киеренкелек коэффициенты бер вакансиягә 0,3 кеше исәпләнә.

Хисап атнасы барышында исә 506 кеше эшсез дип танылган, шуларның 475 се – моңа кадәр хезмәт куйган. 51 татарстанлы оешма таралу яисә штат кыскартылу сәбәпле эшсез калган. 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10