ҺАВА ТОРЫШЫ +18 oC

Яңалыклар

барлык хәбәрләр Татарстан Россия

Икътисад

Россия Президенты “Роскосмос” генераль директоры итеп Дмитрий Рогозинны тәкъдим итте

24 май 2018, 17:27

“Роскосмос”ның элеккеге җитәкчесе Игорь Комаров “Ростех”ка күчәргә мөмкин.

(Казан, 24 май, “Татар-информ”, Сельвина Илькаева). Россия Президенты Владимир Путин Хөкүмәт башлыгы урынбасары Дмитрий Рогозинга “Роскосмос” генераль директоры вазифасын тәкъдим иткән. Бу хакта РИА Новости хәбәр итә.

“Роскосмос”ның элеккеге җитәкчесе Игорь Комаров “Ростех”ка күчәргә мөмкин, диелгән агентлык хәбәрендә.

Корпорация туплансын өчен, анда яхшы оештыручылар һәм югары класслы галимнәр һәм белгечләр эшләргә тиеш, дип билгеләп үткән хөкүмәт башлыгы. Рогозин күрсәтелгән ышанычны аклау өчен мөмкин булганның барын да эшләячәген вәгъдә иткән.

“Роскосмос” Рогозин тәкъдиме белән булдырылган дәүләт корпорациясе булып тора. Корпорация дәүләт эшчәнлегендә космик өлкә белән идарә итә. 2015 елда Россия Министрлар Кабинеты Игорь Комаровны җитәкче итеп билгеләгән иде.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10