ҺАВА ТОРЫШЫ +18 oC

Яңалыклар

барлык хәбәрләр Татарстан Россия

Спорт

Казанда "Яшел фитнес" спорт проекты эшли башлады

27 май 2018, 16:44 , Фото: Михаил Захаров

Казанда Быел дистәләгән мәйданда көн саен дәресләр узачак.
(Казан, 27 май, "Татар-информ"). Казанда "Яшел фитнес" спорт проекты эшли башлады. 
 
Иртәгедән алып Татарстан башкаласында дистәләгән мәйданда спорт буенча бушлай дәресләр башлана. Алар көн саен үткәреләчәк. Казанлылар һәм шәһәр кунакларына йога һәм биюдән алып, кроссфит һ.б. юнәлешләрдә шөгыльләнү мөмкинлеге тудырылачак. Якшәмбе көннәрендә исә җәй буе Казан паркларында фитнес-фестивальләр уздырылачак. 
 
 
"Без 15 юнәлештә көндәлек тренировкаларны башлап җибәрәбез. Без хәтта үзебезнең кушымтабызны булдырдык, ул тиздән эшли башлаячак. Анда тренировкалар узу вакытлары, теркәлү, күнегүләр ясарга йөргән өчен баллар җыю каралган. Барысы да бик җайлы һәм бер урында булачак. Тренировкаларны башкаланың спорт клублары тренерлары уздырачак", - дип сөйләде "Яшел фитнес" социаль спорт хәрәкәте PR-директоры Егор Рафиков.
 
 
 
Бәйрәм фестивален бүген Горький исемендәге үзәк ял паркында Black Star лейблы җырчысы Клава Кока ачты. Концерт белән параллель рәвештә паркта "Добрая Казань" ярминкәсе һәм "Ярдәм базар" хәйрия маркеты эшли. Биредә 50ләп дизайнер, һәнәрче һәм рестораторлардан сувенирлар, кул эшләнмәләре, бизәнү әйберләре,баллы ризыклар сатып алу мөмкинлегенә ия. 
 
 
Шулай ук бүген дөрес туклану һәм ораторлык сәнгате буенча мастер-класслар узачак. 
 

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10