ҺАВА ТОРЫШЫ +6 oC

Яңалыклар

барлык хәбәрләр Татарстан Россия

Дин

Мамадыш мөхтәсибәте колония тоткыннарына ифтар оештырды

5 июнь 2018, 20:45 , Фото: dumrt.ru

Мамадыш мөхтәсибәте колония тоткыннарына ифтар оештырды Хәзерге вакытта 17нче колония-поселениедә йөз иллегә якын кеше җәза үтә.

(Казан, 5 июнь, "Татар-информ"). Мамадыш мөхтәсибәте колония тоткыннарына ифтар оештырды. Бу турыда Татарстан мөселманнары Диния нәзарәте матбугат хезмәте хәбәр итте.

Кичә Мамадыш районы имам-мөхтәсибе Илһам хәзрәт Миңнегалиев 17нче колония-поселениедә булды һәм тоткыннар белән очрашты. Илһам хәзрәт биредә ифтар мәҗлесендә катнашты һәм рамазан ае турында вәгазь сөйләде, диелгән әлеге хәбәрдә.

  • Хәзерге вакытта 17нче колония-поселениедә йөз иллегә якын кеше җәза үтә.

“Аллаһы Тәгалә кичәләр арасында Кадер кичәсен, көннәр арасында җомга көнен, айлар арасында Рамазан аен өстен кылды. Рамазан ае Аллаһы Китабы – Коръән-Кәримдә исеме телгә алынган бердәнбер ай. Башка айларда кылган изге­лекләргә Аллаһы Тәгалә 10 савап вәгъдә итсә, Рамазанда ул 700 һәм аннан да күбрәкккә арта. Ошбу изге айның башы — ул мәрхәмәт ункөнлеге, уртасы — гөнаһлардан арыну, ә ахыры — уттан котылу”, – дип мөрәҗәгать иткән имам-мөхтәсиб.

  • Диния нәзарәте Җәзаларны үтәү федераль хезмәтенең ТР буенча идарәсе һәм  "Социаль тернәкләндерү һәм адаптация үзәге" белән хезмәттәшлек итә. Бүгенге көндә Татарстанның барлык төзәтү учреждениеләрендә гыйбадәт бүлмәләре яки мәчетләр эшләп килә, тоткыннар белән эшләү өчен махсус имамнар әзерләү, аларны эшләтүдә аерым эш алып барыла. 

Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10