ҺАВА ТОРЫШЫ +19 oC

Яңалыклар

барлык хәбәрләр Татарстан Россия

Хәвеф-хәтәр

Братск шәһәрендә 300дән артык кеше югалган тугыз яшьлек кызны эзли

13 июнь 2018, 10:24

Кыз бала 9 июнь көнне Барков урамындагы 19нчы йорттан урамда йөрергә дип чыгып киткән һәм хәзерге вакытка кадәр әйләнеп кайтмаган.

(Казан, 13 июнь, “Татар-информ”). Братск шәһәре полициясе һәм волонтерлар дүртенче тәүлек инде югалган тугыз яшьлек кызны эзли. Бу хакта Россия Эчке эшләр министрлыгының төбәк буенча идарәсенә сылтама белән РИА Новости хәбәр итә.

  • 2009 елда туган кыз баланы эзләүдә 300дән артык кеше катнаша.

“Кыз баланың 9 июнь көнне 13.00 сәгатьләр тирәсендә Барков урамындагы 19нчы йорттан урамда йөрергә дип чыгып китүе һәм хәзерге вакытка кадәр әйләнеп кайтмавы билгеле. Аның кайда икәнлеге билгесез”, - диелгән хәбәрдә. 300дән артык кеше меңләгән күпкатлы йортларны, ишегалларын тикшергән.

Шәһәрнең "Город" интернет-порталы хәбәр итүенчә, полициягә "Поиск Братск" һәм "Лиза Алерт" эзләү отрядлары ярдәм итә. Әлегә эзләүләр нәтиҗә бирмәгән.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10