ҺАВА ТОРЫШЫ +26 oC

Яңалыклар

барлык хәбәрләр Татарстан Россия
МӨҺим
Иртәгә Татарстанда яшенле яңгыр һәм көчле җил көтелә
Песков: Пенсия реформасы турында Путинга мөрәҗәгать итү әлегә вакытсыз
Илсур Метшин Дөнья чемпионатында Казанның башка шәһәрләрдән аерымлыкларын әйтте
Австралия җанатарлары Казанда фанатлар Сабан туе ясады
Төп рольне Казан мэры Илсур Метшинның улы Таһир башкарган фильм трейлеры чыкты

Хәвеф-хәтәр

Зәйдә юл һәлакәтендә 9 айлык бала исән калган

13 июнь 2018, 19:26 , Фото: Госавтоинспекция РТ

Зәйдә юл һәлакәтендә 9 айлык бала исән калган 12 июньдә Әлмәт ягыннан Зәйгә керү юлында йөк машинасы һәм ике автомобиль катнашында юл-транспорт һәлакәте булган.

(Казан, 13 июнь, “Татар-информ”). Зәй янындагы коточкыч һәлакәттә 9 айлык бала исән калган, дип хәбәр иттеләр “Татар-информ”га Дәүләт автоинспекциясендә. Алдан агентлык кичә кич Әлмәт ягыннан Зәйгә керү юлында юл-транспорт һәлакәте булуы турында хәбәр иткән иде.

Якынча мәгълүматларга караганда, 12нче модельле “Лада”ны йөртүче 37 яшьлек ир-ат идарәне югалткан һәм зур тизлектә каршы полосага чыгып, “Исузу” йөк машинасына бәрелгән. Бәрелешү аркасында фура бер ягына ауган, ә җиңел автомобиль “Киа”га да килеп бәрелгән.

Һәлакәт аркасында “Лада” автомобиле металл өеменә әйләнгән, йөртүчесе шунда ук үлгән.

Һәлакәттә шулай ук “Киа” автомобиле пассажиры зыян күргән. Хатын-кыз куркынычсызлык каешын эләктермәгән булган, шул сәбәпле, төрле имгәнүләр алган. Пассажирны "Ашыгыч ярдәм" машинасы белән хастаханәгә озатканнар.

Корея автомобилендә арткы утыргычта 9 айлык бала булган. Аны имгәнүдән махсус утыргычта булуы саклап калган.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10