ҺАВА ТОРЫШЫ +19 oC

Яңалыклар

барлык хәбәрләр Татарстан Россия
МӨҺим
Энгель Фәттахов Бөтендөнья татар конгрессының Милли Шурасы составыннан чыгарылды
20 июльнең төп вакыйгалары - фото һәм сылтамалар
Рөстәм Миңнеханов Путинга Универсиаданың спорт мирасын куллану турында сөйләде
Самара өлкәсе мәдрәсәсе чыгарылыш сыйныф укучыларын укырга чакыра
Рөстәм Миңнеханов Путинннан стадионнарда сыра сатарга рөхсәт итүне сорады

Хәвеф-хәтәр

Чаллыда ике бертуган мотоцикл урлаган өчен хөкем ителгән

14 июнь 2018, 17:11

Суд туганнарның һәрберсен бер елга гомуми режимлы колониягә хөкем иткән.

(Чаллы, 14 июнь, “Татар-информ”, Эльвира Мөхәмәтдинова). Чаллы шәһәрендә, хуҗасының битенә баллоннан сыеклык сиптереп, мотоцикл урлаган ике бертуганга хөкем чыгарган, дип хәбәр итә шәһәр суды.

Чаллыда яшәүче 220 мең сумга мотоцикл сатуы турында белдерү биргән. Аны алырга ике бертуган теләк белдергән. Алар сатучы янына товарны карарга килгәннәр, мотоциклны ошатканнар. Сатып алучыларның берсе ике тәгәрмәчле транспортка утырып йөреп килергә рөхсәт сораган. Техника хуҗасы рөхсәт иткән. Сатып алучыларның берсе мотоциклга утырып киткәч, икенчесе техника турында сөйләшү башлаган.

Соңыннан ачыкланганча, бу игътибарны читкә юнәлтү өчен эшләнгән. Өлкән туган арттан сиздермичә килеп, урамның икенче ягына туктаган, аннары энесенә сигнал биргән. Тегесе кесәсеннән баллон чыгарган һәм сатучының битенә сиптергән. Сатучы күзен сөрткәндә, “ялган сатып алучы” мотоциклга абыйсы янына утырган һәм икәүләп җинаять урыныннан качканнар.

Суд мотоциклчыларны талауда гаепле дип тапкан һәм һәрберсен 1 елга гомуми режимлы колониягә хөкем иткән.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10