ҺАВА ТОРЫШЫ +20 oC

Яңалыклар

барлык хәбәрләр Татарстан Россия
МӨҺим
Энгель Фәттахов Бөтендөнья татар конгрессының Милли Шурасы составыннан чыгарылды
20 июльнең төп вакыйгалары - фото һәм сылтамалар
Рөстәм Миңнеханов Путинга Универсиаданың спорт мирасын куллану турында сөйләде
Самара өлкәсе мәдрәсәсе чыгарылыш сыйныф укучыларын укырга чакыра
Рөстәм Миңнеханов Путинннан стадионнарда сыра сатарга рөхсәт итүне сорады

Җәмгыять

Сергей Иванов: Чемпионат – Казанга туристлар агылу өчен тагын бер сәбәп булачак

14 июнь 2018, 19:05 , Фото: архив/Айгуль Мутыгуллина

Сергей Иванов: Чемпионат – Казанга туристлар агылу өчен тагын бер сәбәп булачак 2010 елда Татарстанга – 1 млн 400 мең, 2017 елда 3 млн 100 мең турист килгән.

(Казан, 14 июнь, “Татар-информ”, Чулпан Шакирова). Татарстанның туризм буенча дәүләт комитеты рәисе Сергей Иванов белдергәнчә, Футбол буенча дөнья чемпионаты – Татарстанга туристлар күпләп агылуга бер стимул булачак. Бу хакта ул бүген Чемпионатның шәһәр матбугат үзәгендә узган матбугат очрашуында әйтте.

“Татарстан Республикасы рәсми туристлык брендына ия. Без туристларны, кунакларны Татарстанның күренекле урыннарын карау өчен генә түгел, безнең ризыкларыбызны татып карау һәм республиканың архитектурасы, мәдәнияте, табигатеннән канәгатьләнү хисләре алып китү өчен чакырабыз.

Казан - берьяктан бик борынгы һәм заманча шәһәр. Әлеге тиңдәшлек аның уникальлеген билгели һәм туристлар да бу үзенчәлекне таный. Казан – Россиядә, Мәскәү һәм Санкт-Петербург белән бергә, иң популяр туристлык маршруты өчлегенә керә”, - диде Иванов.

Комитет рәисе, соңгы еллардагы туристлар агымы динамикасы буенча да саннар китерде.

2017 елда Татарстанда 3 млн 100 мең турист булырга өлгергән. Казанда узган дөньяның зур чаралары – Универсиада, Конфедерацияләр Кубогы, Су спорты төрләре буенча дөнья чемпионаты туристлар агымын арттыруга китерде. Чагыштыру өчен, 2010 елда Татарстанда нибары 1 млн 400 мең турист булган.

Безнең төп үзенчәлегебез һәм байлыгыбыз ул – күп гасырлар дәвамында, ике дин – ислам һәм православие динен тотучы халыкның дустанә мөнәсәбәттә яшәве”, - диде комитет рәисе.

Сергей Иванов сүзләренчә, Чемпионаттан соң Татарстанга туристлар күпләп агылачак.

“Футбол буенча дөнья чемпионаты Татарстанга туристлар агылу өчен трамплин һәм тагын бер сәбәп булачак”, - диде Туризм буенча комитет рәисе.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10