ҺАВА ТОРЫШЫ +14 oC

Яңалыклар

барлык хәбәрләр Татарстан Россия

Мәдәният

Башкортстанда “Курайның туган ягына сәяхәт” автойөреше булачак

16 июнь 2018, 10:14

17 июньдә башкорт халык коралларында уйнаучыларның республика конкурсы ачыла.

(Казан, 16 июнь, “Татар-информ”). Башкортстанда “Курайның туган ягына сәяхәт” дип аталган автойөреш булачак. Бу хакта “Башинформ” агентлыгы хәбәр итә.

Автосәяхәт атаклы курайчы Ишмулла Дилмөхәммәтовның 90 еллыгына багышлана. Республиканың Курайчылар берлеге җитәкчесе Артур Гайсаров хәбәр иткәнчә, машиналар колоннасы 17 июнь көнне иртән Салават Юлаев исемендәге мәйданнан кузгалып китәчәк.

  • Автойөреш Уфа – Кырмыскалы районы – Белорет районы – Әбҗәлил районы – Баймак районы – Зиләер районы (Иске Якуп авылы) – Зиләер районы (Зиләер авылы) маршурты буйлап узачак. Әлеге һәм якын тирәдәге районнардан катнашучылар автойөрешкә кушыла ала.

17:00 сәгатьтә Зиләер авылының Үзәк мәйданында Ишмулла Дилмөхәммәтов исемендәге башкорт халык коралларында уйнаучыларның республика конкурсын ачу тантанасы була. Конкурста курайда, думбрада, кыл-кубызда уйнаучылар, курайчылар ансамбле, гаилә ансамбльләре катнашачак.

19 июньдә, 14:00 сәгатьтә Сабан туе мәйданында гала-концерт уздыру һәм җиңүчеләрне бүләкләү планлаштырылган. Шул ук көнне башкорт халык уен кораллары ясаучы осталар һәм тирмәләр арасында конкурс уздыру каралган.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10