ҺАВА ТОРЫШЫ +26 oC

Яңалыклар

барлык хәбәрләр Татарстан Россия
МӨҺим
Җанатар паспорты белән Россиягә визасыз керү мөмкинлеге ел ахырына кадәр була
Татарстанга Пензадан инфекцияле кош ите кертелгән
Татарстанда күп фатирлы йортта янгында хатын-кыз һәм җиде яшьлек бала үлгән
Россельхознадзор кош гриппының беренче билгеләрен атады
«Марҗа» дигән язулы футболка чыгаручыларны Татарстан прокуратурасы тикшерә башлаган

Авыл

Әрәм ителгән вакыт - әрәм ителгән уңыш - Марат Әхмәтов

16 июнь 2018, 11:33 , Фото: tatarstan.ru

Әрәм ителгән вакыт - әрәм ителгән уңыш - Марат Әхмәтов Министр видеокиңәшмәдә хәзерге чорда кыр эшләрен яхшы алып барган һәм акрын темпта эшли торган районнарны атады.

(Казан, 16 июнь, “Татар-информ”). Татарстан кырларында уңыш формалаштыру буенча планлы эшләр дәвам итә. Бу хакта бүген Татарстан Республикасының Хөкүмәт Йортында узган киңәшмәдә республика премьер-министр урынбасары - авыл хуҗалыгы һәм азык-төлек министры Марат Әхмәтов әйтте.

Киңәшмәне барлык муниципаль районнар белән видеоконференция элемтәсе режимында Татарстан Республикасы Президенты Рөстәм Миңнеханов уздырды. Киңәшмәдә Татарстан Республикасы премьер-министры Алексей Песошин катнашты.

Марат Әхмәтов фикеренчә, чүп үләннәреннән арындыру һәм үсемлекләргә ашламалар кертү - уңыш формалаштыру өчен бик мөһим, чөнки дымлы, салкынча һава авыруларның күпләп артуына сәбәп булып тора. Үз вакытында тиешле чаралар күрмәү киләчәк уңышка йогынты ясый, дип белдерде ул.

Эшләрне яхшы темплар белән алып баручылар - Зәй, Ютазы, Минзәлә, Сарман һәм Тәтеш районнары, диде Марат Әхмәтов.

Татарстанның авыл хуҗалыгы министры Югары Ослан, Тукай, Буа, Яңа Чишмә, Чүпрәле, Менделеевск районнарына эш барышын тизләтергә кушты. “Югалган вакыт – югалган уңыш”, диде ул.

Марат Әхмәтов бүген шулай ук мөһим булган - терлек азыгы әзерләү мәсьәләсенә дә игътибар итте.

Марат Әхмәтов сүзләренчә, алдагы 10 көнлектә күпьеллык үләннәрне беренчел чабу эшләрен төгәлләргә кирәк.

Әлегә азык әзерләү темплары түбән, дип белгеләп үтте ул, ләкин моның сәбәбе оешмаганлыкта түгел, ә һава шартларына бәйле.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10