ҺАВА ТОРЫШЫ +14 oC

Яңалыклар

барлык хәбәрләр Татарстан Россия

Дин

Мәскәүдә Ураза бәйрәменә Мөхәммәд пәйгамбәрнең чәч бөртеген алып килгәннәр

17 июнь 2018, 13:14

Бу башкала мөселманнары өчен зур вакыйга булган.

(Казан, 17 июнь, «Татар-информ»). Мәскәүнең «Сокольники» паркында, Ураза бәйрәме уңаеннан, дин тотучы мөселманнар өчен беренче тапкыр Мөхәммәд пәйгамбәрнең (с.г.в.с.) чәч бөртеген күрү мөмкинлеген оештырганнар, дип хәбәр итә «Интерфакс» агентлыгы.

«Бу башкала мөселманнары өчен зур һәм көтелмәгән вакыйга булды. Бәйрәмне үткәргәндә ярдәм кулы сузган барлык волонтерларга ихлас рәхмәтемне белдерәм», - дигән Мәскәү мөфтие Әлбир Крганов паркта җыелган мөселманнарга мөрәҗәгать итеп.

Мөфти үз вәгазендә Рамазан аеның традицияләре һәм йолалары хакында сөйләгән, бүгенге катлаулы шартларда кешеләр арасында игелекле мөнәсәбәтләрне саклауның әһәмиятенә басым ясаган, диелгән әлеге хәбәрдә.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10