ҺАВА ТОРЫШЫ -1 oC

Яңалыклар

барлык хәбәрләр Татарстан Россия

Җәмгыять

Мөслим Сабантуй бәйрәмендә дәүләт бүләкләре тапшырылды

18 июнь 2018, 07:43

Татарстан Республикасы урман хуҗалыгы министры әлеге Сабантуй барыбызга да бары тик уңай хис-тойгылар гына алып килсен дип җиткерде.

(Казан, 18 июнь, "Татар-информ"). Мөслим Сабантуй бәйрәмендә дәүләт бүләкләре тапшырылды. Бу хакта Татарстан Республикасы урман хуҗалыгы министрлыгы матбугат хезмәте хәбәр итә.

Татарстан Республикасы урман хуҗалыгы министры Равил Кузюров Татарстан Республикасы Президенты Рөстәм Миңнеханов исеменнән Мөслим халкын һәм район кунакларын сәламләде. Равил Кузюров Сабантуй бәйрәменең әһәмиятле булуы, башка милли бәйрәмнәр белән бертигез дәрәҗәдә тату яшәү һәм үзара мәдәни муллык туплауның ачык мисалы булып торуы хакында искәртте. “Әлеге Сабантуй безнең барыбызга да бары тик уңай хис-тойгылар гына алып килсен һәм иҗат, хезмәт итү өчен яңа көч бирсен. Тынычлык, бәхет, мәрхәмәтлелек һәм иминлек сезгә!” – диде министр.

Сәламләү сүзләреннән соң Татарстан Республикасы урман хуҗалыгы министры Равил Кузюров һәм Мөслим муниципаль районы башлыгы Рамил Муллин дәүләт бүләкләрен тапшырды.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10