ҺАВА ТОРЫШЫ +26 oC

Яңалыклар

барлык хәбәрләр Татарстан Россия
МӨҺим
Җанатар паспорты белән Россиягә визасыз керү мөмкинлеге ел ахырына кадәр була
Татарстанга Пензадан инфекцияле кош ите кертелгән
Татарстанда күп фатирлы йортта янгында хатын-кыз һәм җиде яшьлек бала үлгән
Россельхознадзор кош гриппының беренче билгеләрен атады
«Марҗа» дигән язулы футболка чыгаручыларны Татарстан прокуратурасы тикшерә башлаган

Татар дөньясы

Вячеслав Сурмятов "Милли хәзинә" уенының яңа төрен булдыру өчен краудфандинг аша акча җыя

18 июнь 2018, 15:22 , Фото: Вячеслав Сурмятов

Вячеслав Сурмятов Финанс ярдәме күрсәтүчеләр яңа уенны беренчеләрдән булып уйный алачак.
(Казан, 18 июнь, "Татар-информ"). Татар милли мәдәнияте белән таныштыручы "Милли хәзинә" өстәл уенын өч телдә - татар, рус һәм инглиз телләрендә эшләргә телиләр.  Хәзер проектны тормышка ашыру өчен "Планета.ру" платформасында акча җыю бара. Бу хакта проект җитәкчесе Вячеслав Сурмятов хәбәр итә. 
 
 
Уенның яңа форматы татар милли бизәкләре белән эшләнелгән тартмага урнаштырылачак. Моннан тыш, уенның кагыйдәләре белән таныштыра торган һәм һәр символ хакында язылган брошюра булдыру күздә тотыла. Брошюра шулай ук татар, рус һәм инглиз телләрендә эшләнеләчәк. 
 
Проектны гамәлгә ашыру өчен финанс ярдәме таләп ителә. "Милли хәзинә"нең яңа форматын булдыруга булышучылар өчен аерым өстенлекләр карлаган. Бу хакта Вячеслав Сурмятов видео мөрәҗәгатендә аңлатма бирә. 
 
 
Финанс ярдәме туплау  "Планета.ру" платформасында бара. Мөмкинлеге булучылар "Милли хәзинә" счетына кимендә 100 сум салырга тиеш. 
 
500 сум күләмендә матди ярдәм күрсәтүчеләр уенның үзенчәлекле исемлегенә эләгәчәк һәм алар хакында башкалар да белә алачак. 1 мең сум күләмендә ярдәм итүчеләргә "Милли хәзинә"нең беренче версиясе бүләк итеп биреләчәк. Әмма проект авторы аларның аз, бары ун гына калуын искәртә. 1,5 мең сум күләмендә ярдәм итүчеләргә өстәл уенының яңа версиясе бүләккә булачак. 
 
  • Сурмятов Вячеслав Юрьевич 1989 елның 8 ноябрендә Курган өлкәсенең Шатров районы Дальние Кубасово авылында туган. Шадринск дәүләт педагогика институтының чит телләр бүлеген тәмамлаган. Свердловск медицина колледжында инглиз теле укытучысы булып эшли. Рус, татар, инглиз, немец телләрен яхшы, француз, итальян телләрен аңлау дәрәҗәсендә белә. 
 

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10