ҺАВА ТОРЫШЫ -4 oC

Яңалыклар

барлык хәбәрләр Татарстан Россия
×

Спорт

Волонтерларга күбрәк нинди сораулар буенча мөрәҗәгать итүләре билгеле булды

18 июнь 2018, 19:14 , Фото: Рамиль Гали

Волонтерларга күбрәк нинди сораулар буенча мөрәҗәгать итүләре билгеле булды Барлык волонтерларга чит тел белүе шарт итеп куелган булган.

(Казан, 18 июнь, “Татар-информ”, Гөлнар Гарифуллина). Казанда футбол буенча дөнья чемпионатында эшләүче волонтерларга күбрәк нинди сораулар белән мөрәҗәгать итүләре билгеле булды. Бу хакта бүген Казанның IT-паркында футбол буенча дөнья чемпионаты матбугат үзәгендә сүз барды.

“Спорт һәм социаль проектлар дирекциясе” оешмасы генераль директоры урынбасары Александр Карпов волонтерлыкка 2341 заявка тапшырылганын, алардан 1 мең волонтер сайлап алынганын билгеләп узды. Һәр волонтер белән аерым сөйләшү үткәрелгәнен, нинди дә булса бер чит телне белү шарт итеп куелганын әйтте. “Биш ел элек телне белмәүчеләрне дә алган булсак, хәзер теләсә нинди чит ил телен белүне таләп итеп куйдык. Телне белмәүчеләр резервта кала”, - диде.

Чемпионат башланган көннән алып, волонтерларга күбрәк транспорт, Җанатарлар фестиваленә эләгү, валюта алмаштыру, кәрәзле элемтә, такси, милли кухня һәм рестораннар буенча тәкъдимнәр, сувенир һәм бүләкләр турында сораулар биргәннәр.

16 яшьлек волонтер Алтынай 5 ел элек Универсиадада ук волонтер булып эшләүгә кызыккан. “Миңа ул вакытта 11 яшь иде. Былтыр беренче тапкыр волонтер буларак Конфедерация кубогында эшләдем. Элек инглиз телендә сөйләшергә ояла идем. Хәзер ирекле сөйләшәм”, - диде.

Александр Карпов иң өлкән волонтер 79 яшьлек Елена Шаронова булуын әйтте.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10