ҺАВА ТОРЫШЫ +24 oC

Яңалыклар

барлык хәбәрләр Татарстан Россия
МӨҺим
ВТБ һәм Татарстан Республикасы Гарантия фонды хезмәттәшлек турында килешү имзалады
Марат Әхмәтов беренчеләрдән булып уңыш җыюга керешкән Азнакай кырларын карады
А.Песошин Эчке эшләр министрлыгы хезмәткәрләренә Чемпионат имин узган өчен рәхмәт әйтте
«Ярдәм» тернәкләндерү үзәгендә биш елда 15 меңгә якын кешегә булышлык күрсәтелгән
Татарстан Президенты ВТБ банкы рәисе урынбасары белән очрашты

Дин

Татарстан мөфтие чемпионатка килгән Австралия татарлары белән очрашкан

19 июнь 2018, 15:40 , Фото: Александр Эшкинин

Татарстан мөфтие чемпионатка килгән Австралия татарлары белән очрашкан “Алар мәчетләрдә вәгазьләрне бары тик татарча гына алып баралар”, - ди Камил хәзрәт алар турында.

(Казан, 19 июнь, “Татар-информ”, Гөлнар Гарифуллина). Казанга футбол буенча дөнья чемпионатына килгән Австралия вәкилләре Татарстан мөфтие Камил хәзрәт Сәмигуллин белән очрашкан. Бу хакта ТР мөселманнары Диния нәзарәте рәисе Казанның IT-паркында футбол буенча дөнья чемпионаты матбугат үзәгендә хәбәр итте.

Камил хәзрәт Казанга Австралиядән 20 мең җанатар килгәнен искәртеп, аларның 33е татарлар булуын билгеләп узды. “Рус телендә бер сүз дә белмиләр, аның каравы, татарча бик яхшы сөйләшәләр. Алар белән яхшы гына аралашып утырдык. Китаплар бүләк иттек”, - дип сөйләде мөфти.

“Мәчетләре турында сорадык. Алар вәгазьләрне бары тик татарча гына алып барабыз дип әйттеләр. Татарлар турында сорадык”, - дип белдерде Камил хәзрәт “Татар-информ” агентлыгы хәбәрчесенә.

Мөфти бу көннәрдә мәчетләргә кунаклар күп килүен билгеләп узды. “Без кунакларны кабул итәргә әзер. Мәчетләр ачык. Рамазан ае азагында 40 мәчеттә Гаетләр үткәрелеп, кунакларны бушлай ашаттылар. Мөселман җанатарлары да, чит ил студентлары да килде. Мөселманнар өчен яраклаштырылган кунакханәләр дә Казанда бар”, - диде ул.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10