ҺАВА ТОРЫШЫ -1 oC

Яңалыклар

барлык хәбәрләр Татарстан Россия

Икътисад

Дәүләт Думасы чит ил паспортын бирүдә пошлинаны арттыруны хуплады

19 июнь 2018, 15:32

Закон рәсми төстә басылып чыгып бер ай узгач үз көченә керә.

(Казан, 19 июнь, “Татар-информ”). Мәгълүматны электрон төрдә йөртүче чит ил паспортын бирүдә дәүләт пошлинасы 5 меңгә кадәр артачак. Тиешле законны Дәүләт Думасы кабул итте, дип хәбәр итә РИА Новости.

Зурларга чит ил паспортына дәүләт пошлинасы хәзер 5 мең сум булачак, балаларга ул 2,5 мең сум. Моннан тыш, транспорт чараларын теркәгән өчен дәүләт пошлинасы 1,5 мең сумга кадәр артачак, ә машина йөртү таныклыгы өчен ул 3 мең сумга кадәр арта.

Дәүләт пошлинасы шулай ук югалган яки яраксыз хәлгә килгән документларны алыштырганда да арта торган була. Яңа закон рәсми төстә басылып чыгып бер ай узгач үз көченә керә.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10