ҺАВА ТОРЫШЫ +16 oC

Яңалыклар

барлык хәбәрләр Татарстан Россия

Җәмгыять, Авыл

Татарстанда шәхси ярдәмче хуҗалыкларны үстерүгә дәүләт ярдәме кертелергә мөмкин

21 июнь 2018, 15:16 , Фото: Рамиль Гали

Татарстанда шәхси ярдәмче хуҗалыкларны үстерүгә дәүләт ярдәме кертелергә мөмкин Теплицалар төзүгә, өч яшьтән зуррак бияләр асрауга, бакчалар утыртуга ярдәм чараларын билгеләү күздә тотыла.

(Казан, 21 июнь, «Татар-информ», Гөлнар Гарифуллина). Татарстанда шәхси ярдәмче хуҗалыкларны үстерүгә дәүләт ярдәме турында законга үзгәрешләр кертелә. Теплицалар төзүгә, өч яшьтән зуррак бияләр асрауга, бакчалар утыртуга ярдәм чараларын кертү күздә тотыла. Бүген Дәүләт Советының 39нчы утырышында «Татарстан Республикасы территориясендә шәхси ярдәмче хуҗалыкларны үстерүгә дәүләт ярдәме турында» ТР Законының 7 статьясына үзгәреш кертү хакында сөйләштеләр.

«Татарстан Республикасы территориясендә шәхси ярдәмче хуҗалыкларны үстерүгә дәүләт ярдәме турында» ТР Законына үткәрелгән мониторинг, шулай ук республика районнарында авыл хуҗалыгының эшлекле активлыгын арттыру һәм 2017 елгы конкурска йомгак ясау проблемалары буенча үткәрелгән зона семинар-киңәшмәләрнең нәтиҗәләре буенча проблемалы мәсьәләләр ачыкланды», - диде парламентның Экология, табигатьтән файдалану, агросәнәгать һәм азык-төлек сәясәте комитеты рәисе урынбасары Ринат Гайзатуллин.

Шул рәвешле, шәхси ярдәмче хуҗалыкларны үстерүгә субсидияләр рәвешендә күрсәтеләчәк дәүләт ярдәме киңәйтелә.

«Шулай ук, закон проекты нигезендә, авыл җирлегендә яшәүче халыкның мәшгульлеген арттыруга һәм матди хәлен яхшыртуга, азык-төлек базарын тотрыкландыруга юнәлдерелгән. Бу закон проекты буенча уңай бәяләмәләр бар, шул исәптән Татарстан Президентының уңай бәяләмәсе алынган», - диде Ринат Гайзатуллин.

Ул июнь азагында Законнар һәм хокук куллану практикасы мониторингы буенча Татарстан Республикасы Дәүләт Советы комиссиясе утырышы узачагын, анда шәхси ярдәмче хуҗалыкларга дәүләт ярдәме мәсьәләләре күтәреләчәген әйтте.

Закон проектын беренче укылышта кабул ителде.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10