ҺАВА ТОРЫШЫ +3 oC

Яңалыклар

барлык хәбәрләр Татарстан Россия

Хәвеф-хәтәр

Чистайда 70 яшьлек ир-ат елгада баткан

23 июнь 2018, 17:36 , Фото: ГУ МЧС России по РТ

Чистайда 70 яшьлек ир-ат елгада баткан Пенсионер 22 июньдә иртән балыкка киткәннән, кире кайтмаган.

(Казан, 23 июнь, “Татар-информ”). Чистайда 70 яшьлек ир-ат елгада батып үлгән. Бу хакта “Татар-информ”га Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә хәбәр иттеләр.

70 яшьлек ир-атның югалуы турындагы хәбәр ашыгыч хезмәтнең бердәм 112 номерына 22 июньдә кич килгән. Югалган ир-атның туганнары пенсионерның 22 июньдә иртән елгага балыкка китүе һәм башка хәбәргә чыкмавы турында әйткән.

Гадәттән тыш хәл урынына 67 нче янгын сүндерү-коткару часте һәм Кече суднолар буенча дәүләт инспекциясе хезмәткәрләре, шулай ук көймәдә ир-атның туганнары килгән. Туганнары коткаручыларга балыкчыны эзләргә ярдәм иткән.

Ярдан 3 чакрым ераклыкта пенсионерның әйләнеп калган буш көймәсе табылган. Берникадәр вакыттан водолазлар балыкчының мәетен тапканнар һәм ярга алып чыгып, хокук саклау органнары хезмәткәрләренә тапшырганнар.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10