ҺАВА ТОРЫШЫ +11 oC

Яңалыклар

барлык хәбәрләр Татарстан Россия

Татар дөньясы

Мәскәү татарлары профессор Габделхан Әхтәмҗанны искә алачак

9 июль 2018, 19:34 , Фото: tatar-shtab.ru

Мәскәү татарлары профессор Габделхан Әхтәмҗанны искә алачак Габделхан Әхтәмҗан 27 июнь көнне 88 нче яшендә вафат булган иде.
(Казан, 9 июль, "Татар-информ"). Иртәгә, ягъни 10 июль көнне, Мәскәү татарлары "Штаб"ында Россия Тышкы эшләр министрлыгының Мәскәү дәүләт халыкара мөнәсәбәтләр институты профессоры Габделхан Әхтәмҗанны (1930-2018) искә алу кичәсе була. Бу хакта "Штаб"ның матбугат хезмәте хәбәр итә. 
  • Г.Әхтәмҗан – Россиянең атказанган фән эшлеклесе, Татарстан Фәннәр академиясенең мактаулы әгъзасы, халыкара мөнәсәбәтләр һәм дипломатия тарихы буенча хезмәтләр авторы. Галимнең 200дән артык фәнни һәм публицистик язмасы дөнья күргән. Аның фәнни-тикшеренү һәм публицистик иҗатында Муса Җәлил һәм аның көрәштәшләренең батырлыгына багышланган очерклар аерым урынны били.
Габделхан Әхтәмҗан 27 июнь көнне 88 нче яшендә вафат булган иде. 
 
Аны искә алу кичәсендә профессорның якыннары, дуслары, шагыйрьләр, галимнәр катнашып, Габделхан Әхтәмҗан хакында хатирәләре белән уртаклашачак. Шулай ук Мәскәү дәүләт халыкара мөнәсәбәтләр институты студентлары чыгышы да көтелә. 
 

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10