ҺАВА ТОРЫШЫ +18 oC

Яңалыклар

барлык хәбәрләр Татарстан Россия

Икътисад

Татарстанда киләсе өч елда тагын 164 кеше социаль ипотека буенча фатир алачак

9 июль 2018, 16:09 , Фото: архив/Александр Эшкинин

Татарстанда киләсе өч елда тагын 164 кеше социаль ипотека буенча фатир алачак
Татарстан Президенты карамагындагы Дәүләт торак фонды башлангыч исемлектә торучыларны Бердәм реестрга күчерде.

(Казан, 9 июль, “Татар-информ”). Өч ел эчендә Татарстанда социаль ипотека буенча чиратта торган тагын 164 кеше яңа тораклы булачак. Бу хакта Татарстан Президенты карамагындагы Дәүләт торак фонды матбугат хезмәте хәбәр итә.

Дәүләт торак фонды социаль ипотека буенча чиратта торган кешеләрне башлангыч исемлектән Бердәм  реестрга күчерде. Болар барысы 164 гаилә, һәм бу гаиләләр киләсе өч ел эчендә яңа тораклы булачак.

Әлеге гаиләләргә 2018 елның 29 сентябренә кадәр Татарстан Президенты карамагындагы Дәүләт торак фондының төбәкара вәкиллекләрендә социаль ипотека буенча килешүләр төзергә кирәк. Шуннан соң башлангыч кертемнәр өчен ай саен минималь сумма түләнеп барылырга тиеш.

  • 2018 елда айлык мәҗбүри түләү суммасы 4034 сумны тәшкил итә. 2018 ел башыннан Дәүләт торак фонды социаль ипотека буенча торакка башлангыч исемлектә чиратта торучы 800дән артык кешене Бердәм реестрга күчерде. 

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10