ҺАВА ТОРЫШЫ +16 oC

Яңалыклар

барлык хәбәрләр Татарстан Россия

Хәвеф-хәтәр

Татарстанда югалган әбине өеннән 15 чакрым ераклыкта тапканнар

10 июль 2018, 10:14

Гадәттән тыш хәлләр министрлыгы, полиция хезмәткәрләре һәм волонтерлар аны бер тәүлектән артык эзләгән.

(Казан, 10 июль, «Татар-информ»). Татарстанда югалган 90 яшьлек әбине өеннән 15 чакрым ераклыкта табып алганнар. Бу хакта «Татар-информ» агентлыгына Россия Гадәттән тыш хәлләр министрлыгының ТР буенча Баш идарәсеннән хәбәр иттеләр.

  • Лаеш районының Никольское авылында яшәүче әби 8 июльдә өеннән чыгып киткән. Шуннан ул әйләнеп кайтмаган.

Гадәттән тыш хәлләр министрлыгы, полиция хезмәткәрләре һәм волонтерлар әбине  бер тәүлектән артык эзләгән.

Дүшәмбе кичендә Пиголи бистәсендә яшәүчеләр 112 бердәм номерына әбинең табылуы хакында хәбәр иткән.

Аны өенә алып кайтканнар. «Сәяхәтче» медицина ярдәменнән баш тарткан.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10