ҺАВА ТОРЫШЫ +23 oC

Яңалыклар

барлык хәбәрләр Татарстан Россия
МӨҺим
Равил Кузюров "Кастамону" агач эшкәртү компаниясе вәкилләре белән эшлекле киңәшмә уздырды
Бурсада төрки халыклар фестивалендә татар милли кием һәм ризыклары тәкъдим ителгән
Уфаның “Мирас” җыр һәм бию ансамбле Франциядә Россия данын яклаган
"Табигатькә зыяны булмаган автотуризм. Иделдән Катунига кадәр" экспедициясе Чаллыга кайта
Республиканың бүгенге проектлар мәктәбендә киләчәк Татарстан өчен кадрлар сайлана

Җәмгыять

Каратай елгасын пычраткан өчен, гаеплеләр 80 мең сум штраф түләячәк

10 июль 2018, 21:18 , Фото: eco.tatarstan.ru

Каратай елгасын пычраткан өчен, гаеплеләр 80 мең сум штраф түләячәк Татарстан Экология һәм табигый байлыклар министрлыгының Көньяк-Көнчыгыш территориаль идарәсе белгечләре табигый суга анализ уздырган.

(Казан, 10 июль, “Татар-информ”). Татарстан Республикасы Экология һәм табигый байлыклар министрлыгының Көньяк-Көнчыгыш территориаль идарәсе белгечләре су объектларын мониторинглау кысаларында табигый суга анализ уздырды. Бу хакта Татарстан Республикасы Экология һәм табигый байлыклар министрлыгы матбугат хезмәте хәбәр итә.

Каратай  елгасындагы су составында пычрата торган матдәләрнең нормадан артыграк булуы ачыкланган. Дәвалау-профилактика учреждениесенең чистарту корылмаларыннан түбәнрәк булган су алу ноктасында экологлар аммоний буенча күрсәткечләрнең - 14.7 тапкыр, нитритлар буенча - 132.5 тапкыр, фосфатлар буенча - 8.6 тапкыр, сульфатлар буенча 1.9 мәртәбә артык булуын теркәде.

Әлеге факт буенча юридик затка карата Россия Административ хокук бозулар кодексының 8.14 маддәсенең 1 өлеше нигезендә ("Су алганда, суны алмыйча һәм су объектларына агынты суларны ташлаганда судан файдалану кагыйдәләрен бозу") административ хокук бозу турында беркетмә төзелде, 80 мең сум күләмендәге штраф рәвешендә җәза билгеләнде.

Бер айлык срокта әлеге җитешсезлек очрагы бетерелергә тиешлеге күрсәтелде.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10