ҺАВА ТОРЫШЫ +18 oC

Яңалыклар

барлык хәбәрләр Татарстан Россия
МӨҺим
Казан триатлоны-2018 якшәмбе көнне башкала үзәгендә узачак
Семипалатта татар сәнгать мәктәбе бинасын булдыруда Татарстан ярдәм итәчәк
17 июльнең төп вакыйгалары - фото һәм сылтамалар
Себер татар яшьләре фестивале узачак көннәр билгеле
Президент Югары урбанистика мәктәбе студентларының проектларын уңай бәяләде

Җәмгыять

Иртә башланган җенси тормыш инвалид балалар тууга китерә - министрлык

10 июль 2018, 19:34 , Фото: Михаил Захаров

Иртә башланган җенси тормыш инвалид балалар тууга китерә - министрлык 
“Элек бу - гөнаһ дип санала иде, хәзер, ни кызганыч, аны яшәү рәвеше буларак кабул итәләр”, - ди сәламәтлек саклау министры урынбасары.

(Казан, 10 июль, “Татар-информ”, Чулпан Шакирова). Татарстанның сәламәтлек саклау министры урынбасары Сергей Осипов инвалид балалар тууның бер сәбәбе - иртә башланган җенси тормыш, диде. Бу хакта ул бүген Диния Нәзарәте һәм “Зәкәт” хәйрия фонды үткәргән “Үзенчәлекле балалар һәм аларның гаиләләренә комплекслы ярдәм: проблемалар һәм чишү юллары” темасына узган түгәрәк өстәл форматындагы конференциядә әйтте.

“80-90нчы елларда килеп кергән сексуаль революция инвалид балалар тууга үзеннән сизелерлек өлеш кертте. Җенси тормышны бик яшьтән башлаган яшүсмерләр, төрле инфекцияләр алып, йә авыру балалар тапты, йә бөтенләй бала алып кайта алмаска әйләнде. Әлеге тенденция хәзер дә яшәп килә. Бу - ата-аналарның гына түгел, җәмгыятьтәге һәр кешенең бурычы: без балаларга иртә башланган җенси тормышның тискәре якларын аңлатырга, әйтергә тиешбез. Элек бу гөнаһ дип санала иде, хәзер аны гөнаһка да санамыйлар, яшәү рәвеше буларак кабул итәләр. Минемчә, әлеге норма аңлы рәвештә Советлар Союзын һәм Россия дәүләтен таркату өчен кертелгән. Без борчылмасак, без кисәтмәсәк, бу беркемгә дә кирәкми”, - диде Осипов.

  • Татарстанда 2017 елга 14 мең 288 инвалид-бала теркәлгән. Бу – уртача бер авыл хуҗалыгы районы дигән сүз.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10