ҺАВА ТОРЫШЫ -1 oC

Яңалыклар

барлык хәбәрләр Татарстан Россия

Икътисад

Алексей Песошин Казанда проблемалы йортлар төзелеше белән танышты

10 июль 2018, 21:53 , Фото: tatarstan.ru

Алексей Песошин Казанда проблемалы йортлар төзелеше белән танышты Проблемалы объектлар төзелешен төгәлләү өчен алга таба эш итү адымнары билгеләнде.

(Казан, 10 июль, “Татар-информ”). Татарстан Премьер-министры Алексей Песошин бүген Казанда өлеш кертеп төзелә торган проблемалы йортлар төзелеше белән танышты.
Йортларны урында карап, аларның торышы буенча фикер алыштылар һәм проблемалы объектлар төзелешен төгәлләү өчен алга таба эш итү адымнары билгеләнде. Бу хакта Татарстан Хөкүмәте матбугат хезмәте хәбәр итә.

Алексей Песошинны Татарстан прокуроры Илдүс Нәфыйков, Татарстан Премьер-министрының беренче урынбасары Рөстәм Нигъмәтуллин, Татарстан төзелеш, архитектура һәм торак-коммуналь хуҗалыгы министры урынбасары Илшат Гыймаев, Казанның шәһәр төзелеше сәясәте мәсьәләләре буенча башкарма комитет җитәкчесенең беренче урынбасары Азат Нигъмәтҗанов озатып йөрде.

Объезд проблемных долевых объектов г.Казани

Татарстан Премьер-министры һәм рәсми затлар беренче булып Әмирхан урамындагы 68 нче кварталдагы күп фатирлы торак йортны карадылар (төзүчесе “Маг-строй” ҖЧҖ).

Рөстәм Нигъмәтуллин бу озакка сузылган төзелеш контрольдә, өлеш кертүчеләр белән элемтә бар, дип белдерде.

Алга таба Академик Губкин урамындагы “МЧС” торак комплексы төзелешендә булдылар һәм аны төгәлләү вариантлары турында фикер алыштылар.

Объезд проблемных долевых объектов г.Казани

Академик Губкин урамындагы “МЧС” торак комплексындагы 5нче йортның техник әзерлеге 94 процентны тәшкил итә (төзүчесе “ФОН” ҖЧҖ).

Шулай ук Павлюхин урамындагы “Симфония” торак комплексында да булдылар.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10