ҺАВА ТОРЫШЫ +23 oC

Яңалыклар

барлык хәбәрләр Татарстан Россия
МӨҺим
Равил Кузюров "Кастамону" агач эшкәртү компаниясе вәкилләре белән эшлекле киңәшмә уздырды
Бурсада төрки халыклар фестивалендә татар милли кием һәм ризыклары тәкъдим ителгән
Уфаның “Мирас” җыр һәм бию ансамбле Франциядә Россия данын яклаган
"Табигатькә зыяны булмаган автотуризм. Иделдән Катунига кадәр" экспедициясе Чаллыга кайта
Республиканың бүгенге проектлар мәктәбендә киләчәк Татарстан өчен кадрлар сайлана

Мәдәният

Казанда җанатарлар фестивалендә Әлфия Авзалованың җырларын башкардылар

12 июль 2018, 07:17 , Фото: Салават Камалетдинов

Казанда җанатарлар фестивалендә Әлфия Авзалованың җырларын башкардылар Җырчының репертуарыннан "Күбәләк", "Ашхабад", "Эх, тала, тала" җырлары яңгырады.

(Казан, 12 июль, “Татар-информ”, Ләйлә Хәкимова). Футбол чемпионаты кысаларында Казанда җанатарлар фестивалендә күренекле җырчылар һәм төркемнәрнең иҗади чыгышлары дәвам итә. Кичә кичке сәгать җидедә чемпионат чаралары программасы буенча татар халкының легендар җырчысы Әлфия Авзалованың иҗатына багышланган концерт узды.

Татар эстрадасы җырчылары тамашачыга Әлфия Авзалова репертуарыннан "Күбәләк", "Ашхабад", "Эх, тала, тала" җырларын яңа форматта бүләк итте.

Чыгыш ясаучы җырчылар арасында Илнар Миранов, Зәринә Вилданова, Венера Ганиева һәм Әлфия Авзалованың кызы Зөлфия Нигъмәтҗанова булды.

Барлык җырларга аранжировканы Казан музыканты һәм продюсеры Валерий Коротков ясаган.

Музыка уен коралларыннан гитарада - Дмитрий Крапивин, саксофонда - Абдрәшит Алмадинов, гармунда - Булат Хисмәтов уйнады, барабан партиясен Роман Алексеев башкарды.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10