ҺАВА ТОРЫШЫ +23 oC

Яңалыклар

барлык хәбәрләр Татарстан Россия
МӨҺим
Равил Кузюров "Кастамону" агач эшкәртү компаниясе вәкилләре белән эшлекле киңәшмә уздырды
Бурсада төрки халыклар фестивалендә татар милли кием һәм ризыклары тәкъдим ителгән
Уфаның “Мирас” җыр һәм бию ансамбле Франциядә Россия данын яклаган
"Табигатькә зыяны булмаган автотуризм. Иделдән Катунига кадәр" экспедициясе Чаллыга кайта
Республиканың бүгенге проектлар мәктәбендә киләчәк Татарстан өчен кадрлар сайлана

Мәдәният

“Яңа Гасыр” телеканалында “Талант” бәйгесе дәвам итә

12 июль 2018, 14:06

Бәйгедә җиңүчегә, үз телепроектын тормышка ашыру өчен, 1 миллион сум акча биреләчәк.

(Казан, 12 июль, "Татар-информ"). “Яңа Гасыр” телеканалында “Талант” дип исемләнгән бәйге дәвам итә. Татар телендә видеотапшыру ясаучылар июль-август дәвамында үз проектларын тәкъдим итә ала. Җиңүчеләргә үз проектларын тормышка ашыру өчен, 1 миллион сумга кадәр акча бирү каралган. Бу турыда телеканалның матбугат хезмәте хәбәр итә.

“Без яңалык алып килердәй яшь талантлар эзлибез. Андый иҗади шәхесләр аз түгелдер дип уйлыйм. Аларның барысын да “Талант” бәйгесендә катнашырга чакырабыз. Безгә һәр идея кызыклы. Бигрәк тә, үзенчәлекле, креатив, яшьләр темасы, яшьләрнең тирә-юньгә карашы кызыксындыра. Иң мөһиме – тапшыруның кем өчен төшерелүен, кемгә кызыклы булуын, аның үзенчәлеген һәм ничек кабул ителүен аңларга кирәк. Тапшырулар циклын да төшерергә мөмкин. Кыскасы, истә калырдай тапшырулар күрәсе килә”, - дип сөйләде “Яңа Гасыр” телерадикомпаниясенең башкарма директоры Айрат Сибагатуллин.

Җиңүчеләрнең тапшырулары эфирга чыгу хокукына, ә авторлар “Яңа Гасыр” телеканалы белән хезмәттәшлек итү мөмкинлегенә ия булачак.

  • Бәйгенең максаты – татар телен, мәдәниятен пропагандалау, татар телендә чыгучы тапшыруларны популярлаштыру.

Бәйге шартлары: видеороликны МР4 форматында “Конкурс Талант” тамгасы белән pr_tnv@mail.ru адресына юлларга кирәк. Аның күләме 25 минуттан артмаска тиеш. Хатта шулай ук проект, ягъни тапшыруның исеме, авторның исем-фамилиясе, туган елы, яшәү урыны, телефон номеры язылган аерым текст файлы булуы шарт.

Бәйге өч номинациядә оештырыла: тарихи (татар халкы, Татарстан район-авыллары тарихы, республикабызның үткәне һәм бүгенге көне); әдәби-музыкаль (фольклор, төрки халыкларның уен кораллары белән таныштыру, иҗади шәхесләр һ.б.); шоу-программа (креатив, мавыктыргыч, кызыклы идеяләр).

Авторлык хокукларын бозу факты булган очракта (плагиат), иҗади эш бәйгедән төшеп калачак.


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10