ҺАВА ТОРЫШЫ 0 oC

Яңалыклар

барлык хәбәрләр Татарстан Россия

Авыл

Апас районында шәхси хуҗалыклардан сөт җыючылар киңәшмәгә җыелды

13 июль 2018, 06:00

Рафия Галләмова шәхси хуҗалыклардан сөт җыю эше белән 18 елдан бирле шөгыльләнә.

 (Апас, 13 июль, "Татар-информ", "Йолдыз" Ляля Сафиуллина). Апас районы хакимиятендә шәхси хуҗалыклардан сөт җыючы эшмәкәрләр һәм район авыл җирлекләре башлыклары катнашында киңәшмә үтте, дип яза җирле басма.

Биредә район башлыгы урынбасары Ленар Хантимеров, район авыл хуҗалыгы идарәсе җитәкчесе Ильяс Заһидуллин, район ветеринария берләшмәсе җитәкчесе Марат Фатрахманов катнашты, чыгыш ясады. Киңәшмәдә катнашучылар барышында кызыксындырган мәсьәләләр буенча фикер алыштылар.

Рафия Галләмова шәхси хуҗалыклардан сөт җыю эше белән 18 елдан бирле шөгыльләнә. Бүгенгесе көндә ул Дәвеш, Коштавылы, Черкен авылларында шәхси хуҗалыклардан сөт җыя.

– Эш көнем иртәнге дүрттән башлана. Иң элек үз хуҗалыгымдагы сыерларны савам. Аннан хезмәткә чыгып китәм. Халык белән аңлашып эшлибез. Эшебез бик җаваплы, –ди ул.
Авыл тормышын мал-туардан башка күз алдына да китереп булмый. Биредә яшәүче халык өстәмә керемне ит, сөт сатудан ала.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10