ҺАВА ТОРЫШЫ +20 oC

Яңалыклар

барлык хәбәрләр Татарстан Россия

Фән һәм мәгариф

Россия мәктәпләрендә биш баллы системаны бетерергә мөмкиннәр

1 август 2018, 17:27

Хәзер бөтенроссия сыйфатны бәяләү системасын булдыру эшләре бара.

(Казан, 1 август, “Татар-информ”). Россия мәгариф һәм фән өлкәсендә күзәтчелек хезмәте мәктәпләрдә биш баллы системаны бетерү мөмкинлеген карый. Бу хакта “Известия” яза.

Хәбәрдә әйтелгәнчә, бөтенроссия сыйфатны бәяләү системасын булдыру эшләре беренче ел гына бармый. Әмма укытучы бәяләү буенча заманча ысулларны белми.

Мәгариф системасына мондый глобаль үзгәрешләр кертү  өчен, укытучының квалификациясен күтәрү зарур, диде Югары икътисад мәктәбе илкүләм тикшеренү университеты Белем бирү сыйфатын күзәтү үзәге җитәкчесе Виктор Болотов.

“Биш баллы система күптәнге. Әлбәттә, аны үзгәртергә кирәк”, - дип саный Болотов. Аның сүзләренчә, күп баллы системага күчү мөмкинлеге бар иде, шулай ук 12 баллы система буенча зур проект та бар иде.

Болотов сүзләренчә, хәзер мәктәпләрдә 4 баллы система, чөнки “бер"ле билгесен куймыйлар диярлек. Әмма “3+” яки “4+” кебек билгеләр актив кулланыла.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10