ҺАВА ТОРЫШЫ -11 oC

Яңалыклар

барлык хәбәрләр Татарстан Россия

Татар матбугаты

Татар көрәшен Голландиядә таныттылар - "Ялкын" журналы

4 август 2018, 10:21 , Фото: yalkyn.com

Татар көрәшен Голландиядә таныттылар - "Европа спорты - барлык төр уеннар өчен" (“European Sports for All Games”) фестивале Голландиянең биш-алты шәһәрендә узачак.

(Казан, 4 август, "Татар-информ", "Ялкын", Фәрит Салихов). Голландиядә "Европа спорты - барлык төр уеннар өчен" (“European Sports for All Games”) дип аталган фестиваль ачылды. Анда татар көрәшен дә күрсәтәчәкләр. Бу хакта “Ялкын” хәбәрчесенә Голландиядән “Ак Барс” балалар һәм яшүсмерләр спорт көрәш мәктәбе директоры, көрәш буенча дөнья чемпионы һәм дөнья кубогы иясе, көрәш һәм билбау көрәше буенча Россиянең спорт остасы Азат Нурмөхәммәтов җиткерде.

"Әлеге фестиваль Голландиянең биш-алты шәһәрендә узачак. Ачылышы булды инде. Анда катнашучыларны кораб, яхта һәм көймәләргә утыртып, шәһәр буйлап йөрттеләр. Парадның озынлыгы биш-алты чакрымга сузылгандыр. Шунысына игътибар итек: биредә әлеге фестивальне кызыксынып күзәтәләр. Тамашачылар саны бик күп иде", – диде Азат.

 

Аның сүзләренчә, Россия вәкилләре фестиваль кысаларында 5 спорт төрен тәкъдим итәчәк. Татар көрәшеннән тыш самбо, якутларның таяк тартышы, Бурятиянең бер көрәш төре һәм җәядән ук ату төрләре кергән.

"Берничә көн күрсәтмә чыгышлар тәкъдим итәчәкбез, – диде Азат Нурмөхәммәтов. – Килгән кунаклар өчен көрәш буенча кечкенә генә ярыш ясарга да җыенабыз".


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10