ҺАВА ТОРЫШЫ +12 oC

Яңалыклар

барлык хәбәрләр Татарстан Россия

Хәвеф-хәтәр

Алексеевск районы опека һәм попечительлек бүлегенең элеккеге башлыгы тоткарланган

9 август 2018, 14:40

Красная Горка авылында 9 яшьлек кызны үтерүгә бәйле факт буенча җинаять эшен тикшерү дәвам итә.

(Казан, 9 август, «Татар-информ»). Тикшерү комитеты Татарстанның Алексеевск районы опека һәм попечительлек бүлегенең элеккеге башлыгын тоткарлаган. Бу хакта Россия Тикшерү комитетының ТР буенча идарәсе матбугат хезмәте хәбәр итә.

Красная Горка авылында 9 яшьлек кызны үтерүгә бәйле факт буенча җинаять эшен тикшерү дәвам итә. Кызның 39 яшьлек опекунына карата «Кечкенә баланы үтерү» маддәсе буенча гаепләү белдерелгән. Хәзерге вакытта ул сак астына алынган.

Моннан тыш, бүген Алексеевск районы Башкарма комитеты опека һәм попечительлек бүлегенең элеккеге башлыгы, 56 яшьлек Елена Секалина тоткарланган. Ул әлеге вазифаны 2013 елдан 2017 елга кадәр биләгән. Хәзер тикшерүчеләр хатын-кыздан сорау ала.  

  • Кыз бала Алексеевск районы Горка авылындагы йортларның берсендә шимбә, 4 август көнне табылган, дип хәбәр иткән идек.  Баланы үтерүдә шикләнеп, кызның опекуны - 39 яшьлек Роман Григорьев тоткарланган. Тикшерүчеләр фикеренчә, фаҗига булырга берничә көн алдан, Григорьев баланы аяклары белән типкәләп кыйнаган. Баш миенә зыян килгән бала үлгән. Шунысын да искәртү мөһим, опекуннар табибларга мөрәҗәгать итмәгән, кызны үзләре дәваларга тырышкан.

Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10