ҺАВА ТОРЫШЫ +4 oC

Яңалыклар

барлык хәбәрләр Татарстан Россия

Дин, Фән һәм мәгариф

Казанда Коръәннең иң зур басмасын реставрацияләгәннәр

9 август 2018, 16:06 , Фото: kpfu.ru

Казанда Коръәннең иң зур басмасын реставрацияләгәннәр  Коръәннең авырлыгы 800 килограмм, аның тышлыгын ярымкыйммәтле ташлар, сусаль алтын һәм көмеш, малахит бизи.

(Казан, 9 август, “Татар-информ”). Казан (Идел буе) федераль университеты галимнәре һәм реставраторлары Коръәннең Гиннессның рекордлар китабына кертелгән иң зур басмасын реставрацияләгән. Бу хакта югары уку йортының матбугат хезмәте хәбәр итә.

  • Китапта 632 бит бар, аның үлчәме 150гә 200 см. Ул 2011 елда ACR Group Италия типографиясендә басылган. Коръәннең авырлыгы 800 килограмм, аның тышлыгын ярымкыйммәтле ташлар, сусаль алтын һәм көмеш, малахит бизи. Коръән 2012 елда Болгардагы даими экспозициягә урнаштырылды.

Югары категорияле рәссам-реставратор Светлана Буршнева китапны сигез ай эшләүләрен әйткән. Китапны беренче басылган хәләтенә китерү өчен күп хезмәт башкарылган.

Реставрациядән соң, галимнәр китапны экспозициягә кую конструкциясен үзгәртүне, температура-дым режимын саклауны һәм консультантлар белән киңәшеп торуны тәкъдим иткән.
 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10