ҺАВА ТОРЫШЫ +25 oC

Яңалыклар

барлык хәбәрләр Татарстан Россия

Дин

Махачкала аэропорты башлыгы: Татарстан кешеләре хаҗга Дагыстан аша бара ала

9 август 2018, 16:52 , Фото: Шамиль Садыков

Махачкала аэропорты башлыгы: Татарстан кешеләре хаҗга Дагыстан аша бара ала Казаннан туры Махачкалага оча торган даими авиарейс ачылу дини туризм үсешенә этәргеч бирәчәк.

(Махачкала, 9 август, “Татар-информ”, Надежда Гордеева). Казаннан туры Махачкалага оча торган авиаэлемтә Татарстаннан хаҗ кылучыларга Дагыстан аркылы Мәдинәгә барырга ярдәм итәчәк.  Даими авиарейс ачылу дини туризм үсешенә этәргеч бирәчәк. Бу хакта Казан журналистларына “Махачкала аэропорты” генераль директоры Арсен Пирмагомедов хәбәр итте.

"Дагыстанда изге урыннар булган Мәккә һәм Мәдинәгә хаҗ оештыру тәҗрибәсе тупланган", - дип аңлатты спикер.

“Хаҗга баручыларның яртысыннан артыгына "Махачкала" аэропорты хезмәт күрсәтә. Дагыстан хаҗ операторы, "Марва тур" компаниясе олы һәм кече хаҗга хаҗ кылырга баруны оештыруда зур тәҗрибә туплады. Без инде әлеге компания вәкилләре белән киңәшләштек, алар Татарстаннан хаҗ кылырга баручыларга кирәк булганда ярдәм күрсәтергә әзер”, - дип өстәде ул.

  • Казаннан Махачкалага яңа авиарейс 3 августта ачылды. Очышлар җомга һәм якшәмбе көннәрендә атнага ике тапкыр оештырыла.


 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10