ҺАВА ТОРЫШЫ -4 oC

Яңалыклар

барлык хәбәрләр Татарстан Россия

Рәсми Татарстан

Рөстәм Миңнеханов “КАМАЗ”да кабина каркаслары заводы белән танышты

10 август 2018, 19:07 , Фото: tatarstan.ru

Рөстәм Миңнеханов “КАМАЗ”да кабина каркаслары заводы белән танышты Производство көзен сынау режимында эшләтеп җибәреләчәк, киләсе елның апрелендә серияләп җитештерәчәк.

(Казан, 10 август, «Татар-информ»). Бүген Татарстан Президенты Рөстәм Миңнеханов Чаллыга эш сәфәрендә “КАМАЗ” гавами акционерлык җәмгыятендә кабиналар каркаслары яңа заводы белән танышты. Аны предприятиенең генераль директоры Сергей Когогин озатып йөрде. Бу турында республика башлыгы матбугат хезмәте хәбәр итә.

Татарстан Президенты яңа заводның республика өчен генә түгел, ә, гомумән, Россия машина төзелешен үстерү өчен әһәмиятле булуын билгеләп үтте. Ул яңа производствога зур өметләр баглана, яңа эш урыннары һәм автомобиль базарында яңа көндәшлеккә сәләтле продукт барлыкка килә дигән сүз диде.

Рабочая поездка Президента Республики Татарстан Р.Н. Миннихановав город Набережные Челны:- участие в торжественном открытии здания городского суда;- посещение Завода каркасов кабин для автомобилей КАМАЗ

К5 буын йөк машиналары өчен кабина каркаслары заводы төзелеше 2016 елның мартында башланды. Хәзер биредә эшләтеп җибәрү-көйләү эшләре бара һәм көз ахырына кадәр дәвам итәчәк. Төзелеш һәм эчке эшләр сентябрь башында төгәлләнергә тиеш.

Производствода буяу, эретеп ябыштыру, логистика һәм энергоүзәк цехлары бар. Биредә бер елда 55 мең каркас җитештерәчәкләр. Производство көз сынау режимында эшләтеп җибәреләчәк, киләсе елның апрелендә серияләп җитештерәчәк.

Рабочая поездка Президента Республики Татарстан Р.Н. Миннихановав город Набережные Челны:- участие в торжественном открытии здания городского суда;- посещение Завода каркасов кабин для автомобилей КАМАЗ

Алдан «Татар-информ» «Вести КАМАЗа» газетасына сылтама белән кабиналар каркаслары яңа заводы роботлаштырылачак дип хәбәр иткән иде. Производствода кабина каркасларын җыю тулысынча автоматлаштырылган булачак, тәүлегенә 280 берәмлек каркас җыелачак. Беренче тапкыр җыйганнан соң каркасларның геометриясен роботлар алыштырачак, буяу эше дә роботлаштырылган. 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10