ҺАВА ТОРЫШЫ -6 oC

Яңалыклар

барлык хәбәрләр Татарстан Россия

Татар дөньясы

"Яндекс" Казан хакында мультфильм төшергән

21 август 2018, 13:32

Узган ел башка шәһәрләрдә яшәүчеләр Казан хакында 50 миллион тапкыр мәгълүмат эзләгән.
(Казан, 21 август, "Татар-информ"). "Яндекс" Казан хакында мультфильм төшергән. Салехард татарларының "Ватан" автономиясе хәбәр итүенчә, фильм кешеләрнең эзләү системасында шәһәр хакында нәрсә белергә теләүләренә багышлана. 
 
"Яндекс" системасында, узган ел, башка шәһәрләрдә яшәүчеләр Казан хакында 50 миллион тапкыр мәгълүмат эзләгән. 
 
Фильмда Казан шәһәренә 1000 елдан артык булуы, республикада ике дәүләт теле булып, күп кенә татар сүзләренең руслар өчен дә аңлаешлы булуы хакында сөйләнелә. Шулай ук, татар халкының милли ризыклары: кыстыбый, чәкчәк, өчпочмак, гөбәдия һ.б. хакында мәгълүмат бирелә. 
 
Казан урамнары, югары уку йортлары һ.б. хакында кыскача мәгълүмат әлеге 2 минутлык тасмада урын алган. 

Мультфильмны 36 меңнән артык кеше карарга өлгергән.  


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10