ҺАВА ТОРЫШЫ +18 oC

Яңалыклар

барлык хәбәрләр Татарстан Россия

Фән һәм мәгариф

1 сентябрьдә Татарстанда җиде яңа мәктәп ачылачак

23 август 2018, 19:12

«Салават күпере» торак микрорайонындагы мәктәп тә яңа уку елында ачылачак.

(Казан, 23 август, «Татар-информ»). Татарстанда Белем көнендә 7 яңа мәктәп ачылачак. Бу хакта «Татарстан Главинвестстрой» Дәүләт казна учреждениесе матбугат хезмәте хәбәр итә.

Гомумән яңа мәктәпләр 5,4 мең урынга исәпләнгән, ә аларның төзелешенә 4,3 млрд сумнан артык акча бүлеп бирелгән. Акча федераль һәм республика бюджетларыннан күчерелгән.

Бу мәктәпләр исемлегенә «Салават күпере» торак микрорайонындагы мәгариф учреждениесе дә кергән. Биредәге мәктәп 1224 укучыга исәпләнгән.

Казанда шулай ук Минск урамында «Светлая Долина» микрорайонында мәктәпләр ачылырга тиеш. Быелгы уку елында Чаллы, Түбән Кама, Буа районының Әлшәй авылында һәм Әгерҗе районының Кулегаш авылында балалар бакчасы да булган мәктәп беренче укучыларын кабул итәчәк.

 


Безгә Telegramда язылыгыз

Әгәр хата күрсәгез, текстны билгеләгез һәм Ctrl + Enter төймәләренә басыгыз

Фикерләр




Бик мөһим һәм кызыклы хәлнең шаһиты булдыгызмы? Редакциягә хәбәр итегез!

+7 927 037-91-10